بے_سبب غم

دل پہ کچھ بوجھ سا ہے

راحت کا کوئی نہ کوئی آثار سا ہے

اے بے نام غم کی زد میں ہوں

شاید ایک آندھی کی سرحد پہ ہوں

یہ احساس کوئی نیا تو نہیں

اس کا کوئی خاص سبب بھی نہیں

یوں ہی کچھ لمحے آتے ہیں

غم زدہ کر جاتے ہیں

پلکوں پہ وزن لبوں پہ چپی

مایوسی بکھیر جاتے ہیں

نہ کوئی موت نہ گلہ نہ رنجش

نہ قفس نہ فکر نہ بندش

کوئی وجہ نظر نہیں آتی

میرے غم زدہ ہونے کی

بس اتنا مان کر ان لمحوں کو

سر آنکھوں پہ بٹھا لیتا ہوں

کہ شاید ہر فرد کے حصے میں

غم و خوشی کے لمحے طے ہیں

جسے نبھانا ہی ہوگا

گر ایسا ہے تو مجھے

بے سبب غم زیادہ منظور ہے

میں ان غم کے لمحوں کو خوشی خوشی نبھا لونگا

پھر نہ شکوہ کروں گا کہ

دل پہ کچھ بوجھ سا ہے

دل پہ کچھ بوجھ سا ہے