یاد

رات تمہاری یاد پیڑ بن کر

میری نسوں میں یوں پھرتی رہی ہے

جیسے دانت کے درد سے

آنکھ بلکتی زباں تڑپتی رہی ہو

میں جانتی ہوں یاد اور دانت کی انیلجی

تمہیں فنی لگے گی

جیسے پینک اٹیک تمہیں

ہارٹ اٹیک کی ڈمی لگتا ہے

مگر درد سے میری آشنائی

جسمانی کم زیادہ احساس سے ہوئی ہے

اور احساس کی ڈکشنری میں

رجسٹرڈ ٹرموں کی کمی رہی ہے

تمہاری دنیا میں مختلف بیماریاں ٹریجڈی بنتی ہیں

میری دنیا میں ٹریجڈی خود ایک بیماری ہے

جیسے تمہارے یہاں ہر بیماری کی

کوئی نہ کوئی کاز ہوتی ہے

جو کسی سے پوچھ کر نہیں بنتی

ویسے ہی میرے یہاں ہر دکھ کی

کوئی نہ کوئی یاد ہوتی ہے

جو کسی سے پوچھ کر نہیں آتی