haw-hu

rāste ajnabī manzileñ ajnabī

hāzirīn ajnabī mahfileñ ajnabī

zindagī kuchh nahīñ zindagī ajnabī

aur phir mere dil maut bhī ajnabī

yaar bhī ajnabī aur aġhyār bhī

radio T.v saare ye aḳhbār bhī

hai zamīñ ajnabī āsmāñ ajnabī

aur to aur kaun-o-makāñ ajnabī

sāmne ā.īne ke jo maiñ aa gayā

ā.īne ne kahā kaun hai tū batā

kuchh to apnā ta.āruf bhī mujh se karā

maiñ hañsā aur hañs ke kahne lagā

maiñ bhī huuñ ajnabī aur tū ajnabī

shakl merī tire rū-ba-rū ajnabī

maiñ bhī hairān huuñ tū bhī hairān hai

shahr sunsān hai dil bhī vīrān hai

Dher miTTī kā bas apnī pahchān hai

sāya-e-zulf-e-barham meñ le chal mujhe

varna mai-ḳhāna-e-ġham meñ le chal mujhe

qatra-e-ashk yā qatra-e-mai piyūñ

kyuuñ na sarmāya-e-zīst un ko kahūñ

dostī dushmanī guftugū ajnabī

aaj sab kuchh ba-juz hāv-hū ajnabī

raste ajnabi manzilen ajnabi

hazirin ajnabi mahfilen ajnabi

zindagi kuchh nahin zindagi ajnabi

aur phir mere dil maut bhi ajnabi

yar bhi ajnabi aur aghyar bhi

radio Tw sare ye aKHbar bhi

hai zamin ajnabi aasman ajnabi

aur to aur kaun-o-makan ajnabi

samne aaine ke jo main aa gaya

aaine ne kaha kaun hai tu bata

kuchh to apna taaruf bhi mujh se kara

main hansa aur hans ke kahne laga

main bhi hun ajnabi aur tu ajnabi

shakl meri tere ru-ba-ru ajnabi

main bhi hairan hun tu bhi hairan hai

shahr sunsan hai dil bhi viran hai

Dher miTTi ka bas apni pahchan hai

saya-e-zulf-e-barham mein le chal mujhe

warna mai-KHana-e-gham mein le chal mujhe

qatra-e-ashk ya qatra-e-mai piyun

kyun na sarmaya-e-zist un ko kahun

dosti dushmani guftugu ajnabi

aaj sab kuchh ba-juz haw-hu ajnabi