aalam kitne

uf ye shabnam se chhalakte hue phūloñ ke ayāġh

is chaman meñ haiñ abhī dīda-e-pur-nam kitne

kitne ġhunche haiñ jigar-chāk gulistāñ meñ abhī

har taraf zaḳhm haiñ be-minnat-e-marham kitne

kitne sīnoñ meñ shikasta haiñ abhī dil ke rabāb

lab-e-ḳhāmosh pe haiñ naġhma-e-mātam kitne

kitne māthoñ ke abhī sard haiñ rañgīn gulāb

gard afshāñ haiñ abhī gesu-e-pur-ḳham kitne

zehn-e-ādam meñ hai afkār kī duniyā ābād

qalb-e-insāñ meñ amānat haiñ abhī ġham kitne

dhuñdle dhuñdle se sitāre haiñ ufuq par larzāñ

zindagānī ke hasīñ ḳhvāb haiñ mub.ham kitne

aaj to kākul-e-gītī na sañvar jā.egī

silsile shauq ke hoñge abhī barham kitne

jazb hoñge abhī is ḳhāk-e-chaman meñ ai dost

ashk ban ban ke guhar-reza-e-shabnam kitne

abhī gūñjeñge salāsil kī sadā.eñ kitnī

aur hoñge abhī zanjīr se mātam kitne

zindagī rāh-e-tasādum meñ bhaTaktī hai abhī

vaqt ke lab pe abhī uzr haiñ paiham kitne

ik zarā sabr ki in surḳh ghaTāoñ ke tale

sar-nigūñ hoñge yahāñ ḳhaak pe parcham kitne

lāla-o-gul ke tabassum se shafaq phūlegī

har taraf rañg nazar ā.eñge bāham kitne

ḳhūn-e-dil meñ hai nihāñ shola-e-sad-rañg-e-bahār

is gulistāñ meñ haiñ is raaz ke mahram kitne

inhī zarroñ se ubhar ā.eñge kitne mah-o-mehr

isī aalam se sañvar jā.eñge aalam kitne

uf ye shabnam se chhalakte hue phulon ke ayagh

is chaman mein hain abhi dida-e-pur-nam kitne

kitne ghunche hain jigar-chaak gulistan mein abhi

har taraf zaKHm hain be-minnat-e-marham kitne

kitne sinon mein shikasta hain abhi dil ke rabab

lab-e-KHamosh pe hain naghma-e-matam kitne

kitne mathon ke abhi sard hain rangin gulab

gard afshan hain abhi gesu-e-pur-KHam kitne

zehn-e-adam mein hai afkar ki duniya aabaad

qalb-e-insan mein amanat hain abhi gham kitne

dhundle dhundle se sitare hain ufuq par larzan

zindagani ke hasin KHwab hain mubham kitne

aaj to kakul-e-giti na sanwar jaegi

silsile shauq ke honge abhi barham kitne

jazb honge abhi is KHak-e-chaman mein ai dost

ashk ban ban ke guhar-reza-e-shabnam kitne

abhi gunjenge salasil ki sadaen kitni

aur honge abhi zanjir se matam kitne

zindagi rah-e-tasadum mein bhaTakti hai abhi

waqt ke lab pe abhi uzr hain paiham kitne

ek zara sabr ki in surKH ghaTaon ke tale

sar-nigun honge yahan KHak pe parcham kitne

lala-o-gul ke tabassum se shafaq phulegi

har taraf rang nazar aaenge baham kitne

KHun-e-dil mein hai nihan shola-e-sad-rang-e-bahaar

is gulistan mein hain is raaz ke mahram kitne

inhi zarron se ubhar aaenge kitne mah-o-mehr

isi aalam se sanwar jaenge aalam kitne