scent usama

scent usāma

ab rozāna

nau se gyārah

apne pyāre maddāhoñ se

torā-borā ke ġhāroñ

yā dār-ul-harb meñ milte haiñ

jahāñ bhī vo jā ke Thahre haiñ

gaane par pābandī hai

phuul lagāne aur tasvīr

utarvāne par pābandī he

aurteñ nā-mahram ke saath nazar aa.eñ to

koḌe aur patthar maare jā.eñge

america ke gun gaane vāloñ ke

haath pair aur sar bhī utāre jā.eñge

ḳhabar nahīñ ki sīdhī raah pe chalne vaale

maġhrib meñ haiñ yā mashriq meñ

ye bhī yaad nahīñ ki bachche āḳhirī baar

kab schōl ga.e

qadam qadam par kāñTe aur bārūdī surañg bichhī huī haiñ

jin ko nākāra karne ke saare mantar

hāthoñ meñ bandūq uThā ke

scent usāma bhuul ga.e

jaan bachāne vaalī davāoñ kī

yārab kitnī qillat hai

ki bechāre har bande ko

jaan dene kī

na.ī adā.eñ sikhlāte haiñ

ab roz

nau se gyārah

apne pyāre maddāhoñ ko

jannat meñ le jaane vaalī

ka.ī duā.eñ sikhlāte haiñ

scent usama

ab rozana

nau se gyarah

apne pyare maddahon se

tora-bora ke ghaaron

ya dar-ul-harb mein milte hain

jahan bhi wo ja ke Thahre hain

gane par pabandi hai

phul lagane aur taswir

utarwane par pabandi he

aurten na-mahram ke sath nazar aaen to

koDe aur patthar mare jaenge

america ke gun gane walon ke

hath pair aur sar bhi utare jaenge

KHabar nahin ki sidhi rah pe chalne wale

maghrib mein hain ya mashriq mein

ye bhi yaad nahin ki bachche aaKHiri bar

kab school gae

qadam qadam par kanTe aur barudi surang bichhi hui hain

jin ko nakara karne ke sare mantar

hathon mein banduq uTha ke

scent usama bhul gae

jaan bachane wali dawaon ki

yarab kitni qillat hai

ki bechaare har bande ko

jaan dene ki

nai adaen sikhlate hain

ab roz

nau se gyarah

apne pyare maddahon ko

jannat mein le jaane wali

kai duaen sikhlate hain