34

ḳhudā gar hameñ ik parinda banātā

jahāñ meñ ham ik āshiyāna banāte

kisī sabz vaadī meñ apnā nasheman

yā sehn-e-chaman ko Thikāna banāte

kabhī uḌte bādal meñ hotā baserā

kabhī Dālte kunj-e-vahshat meñ Derā

kabhī dāman-e-koh hotā hamārā

kabhī bantā ghar ik nadī kā kinārā

kabhī giit gaate ghaTāoñ ke nīche

kabhī hote pāgal havāoñ ke pīchhe

fazāoñ meñ ham sub.h se shaam karte

añdhere se pahle zamīñ par utarte

koī gulistāñ mulk hotā hamārā

ham is ke liye ik tarāna banāte

ḳhudā gar hameñ ik parinda banātā

use ham parinde ḳhudā na banāte

KHuda gar hamein ek parinda banata

jahan mein hum ek aashiyana banate

kisi sabz wadi mein apna nasheman

ya sehn-e-chaman ko Thikana banate

kabhi uDte baadal mein hota basera

kabhi Dalte kunj-e-wahshat mein Dera

kabhi daman-e-koh hota hamara

kabhi banta ghar ek nadi ka kinara

kabhi git gate ghaTaon ke niche

kabhi hote pagal hawaon ke pichhe

fazaon mein hum subh se sham karte

andhere se pahle zamin par utarte

koi gulistan mulk hota hamara

hum is ke liye ek tarana banate

KHuda gar hamein ek parinda banata

use hum parinde KHuda na banate