logon ka kumba

puure kumbe se nafrat yā pyaar karo

ek se nafrat ek se pyaar ye kyā hai

log sabhī ik jaise haiñ

jāhil haiñ to sab jāhil haiñ aalim haiñ to sab ke sab

zulm kisī ik shaḳhs se to maḳhsūs nahīñ hai

jis ko tum zālim kahte ho vo bhī

bachpan meñ ma.asūm thā ḳhushbū kī mānind zarar se ḳhālī

aur jis ko vidvān ho kahte us kā zehn

kal tak chaTTe kāġhaz jaisā nirmal aur be-dāġh thā

zālim ne us kumbe hī meñ zulm kī shikshā paa.ī

aur vidvān ne bhī ye ulTī sīdhī bāteñ

logoñ hī se sun kar zehn meñ bhar rakhī haiñ

ye logoñ kā kumba

ek mahān daraḳht hai ham sab patte haiñ

hare yā sūkhe mīThe haiñ yā kaḌve

apnā kyā hai

peḌ kā ras ham sab meñ yaksāñ jārī-o-sārī hai

pure kumbe se nafrat ya pyar karo

ek se nafrat ek se pyar ye kya hai

log sabhi ek jaise hain

jahil hain to sab jahil hain aalim hain to sab ke sab

zulm kisi ek shaKHs se to maKHsus nahin hai

jis ko tum zalim kahte ho wo bhi

bachpan mein masum tha KHushbu ki manind zarar se KHali

aur jis ko widwan ho kahte us ka zehn

kal tak chaTTe kaghaz jaisa nirmal aur be-dagh tha

zalim ne us kumbe hi mein zulm ki shiksha pai

aur widwan ne bhi ye ulTi sidhi baaten

logon hi se sun kar zehn mein bhar rakhi hain

ye logon ka kumba

ek mahan daraKHt hai hum sab patte hain

hare ya sukhe miThe hain ya kaDwe

apna kya hai

peD ka ras hum sab mein yaksan jari-o-sari hai