hangam-e-ruKHsat

ashk do-chār bahā luuñ to chale jā.iyegā

ātish-e-dil ko bujhā luuñ to chale jā.iyegā

hasrat-e-dīd miTā luuñ to chale jā.iyegā

husn ko dil meñ basā luuñ to chale jā.iyegā

hausla ġham kā baḌhā luuñ to chale jā.iyegā

marg ko ziist banā luuñ to chale jā.iyegā

ḳhātir-e-dost ke unvāñ kī vazāhat kar ke

ik zarā dil ko manā luuñ to chale jā.iyegā

be-ḳhudī ḳhush-basarī aur masarrat ke evaz

ġham-e-daurāñ ko uThā luuñ to chale jā.iyegā

mehr-e-ulfat ke hasīñ lamhe bhulā kar ai dost

zauq-e-hastī ko miTā luuñ to chale jā.iyegā

talḳhī-e-vaqt kā shikva na rahe aap ke ba.ad

bār-e-ehsān uThā luuñ to chale jā.iyegā

aap kī chashm-e-karam ne mujhe mad.hosh kiyā

apne ahvāl meñ aa luuñ to chale jā.iyegā

dil jo taḌpā.e mujhe dekhne aa jaa.eñ aap

jazb is darja baḌhā luuñ to chale jā.iyegā

ashk do-chaar baha lun to chale jaiyega

aatish-e-dil ko bujha lun to chale jaiyega

hasrat-e-did miTa lun to chale jaiyega

husn ko dil mein basa lun to chale jaiyega

hausla gham ka baDha lun to chale jaiyega

marg ko zist bana lun to chale jaiyega

KHatir-e-dost ke unwan ki wazahat kar ke

ek zara dil ko mana lun to chale jaiyega

be-KHudi KHush-basari aur masarrat ke ewaz

gham-e-dauran ko uTha lun to chale jaiyega

mehr-e-ulfat ke hasin lamhe bhula kar ai dost

zauq-e-hasti ko miTa lun to chale jaiyega

talKHi-e-waqt ka shikwa na rahe aap ke baad

bar-e-ehsan uTha lun to chale jaiyega

aap ki chashm-e-karam ne mujhe madhosh kiya

apne ahwal mein aa lun to chale jaiyega

dil jo taDpae mujhe dekhne aa jaen aap

jazb is darja baDha lun to chale jaiyega