aadmi

lā-intihā jahān-e-mujassam se bhī sivā

lā-muntahā zamānoñ meñ rahte hue ye abad

qarnoñ se reñgtī huī taqvīm-e-kā.enāt

āb-o-gil-o-shu.ūr sar-e-do-jahāñ adam

lā-falsafa nihāyat-e-fahm-e-payambarī

zauq-e-numū kī haath meñ rekhā.eñ dam-ba-dam

kyā jāniye ki kitne baras kā hai ye charāġh

tahzīb-e-soḳhta hai ayāġh-e-hurūf meñ

fikr o ḳhirad kī bahr o talātum meñ kashtiyāñ

ubhrīñ kahīñ to rizq-e-samundar kahīñ huiiñ

is ehtimām-e-ḳhvāb-e-tahayyur meñ maiñ nazhād

tanhā khaḌā huuñ apnī numā.ish ke vāste

maiñ bhiiḌ ke navāh meñ ma.adūm aadmī

la-intiha jahan-e-mujassam se bhi siwa

la-muntaha zamanon mein rahte hue ye abad

qarnon se rengti hui taqwim-e-kaenat

aab-o-gil-o-shuur sar-e-do-jahan adam

la-falsafa nihayat-e-fahm-e-payambari

zauq-e-numu ki hath mein rekhaen dam-ba-dam

kya jaaniye ki kitne baras ka hai ye charagh

tahzib-e-soKHta hai ayagh-e-huruf mein

fikr o KHirad ki bahr o talatum mein kashtiyan

ubhrin kahin to rizq-e-samundar kahin huin

is ehtimam-e-KHwab-e-tahayyur mein main nazhad

tanha khaDa hun apni numaish ke waste

main bhiD ke nawah mein madum aadmi