aadmi

jis kī luġhat meñ aaj nahīñ hai clerk hai

kal aao jis kā maslak-e-dīñ hai clerk hai

har-dam jo yūñhī chīñ-ba-jabīñ hai clerk hai

routine kā jo mard-e-amīñ hai clerk hai

par husn-e-ittifāq se ye bhī hai aadmī

chehre pe in ke dubkī huī ek raat hai

in ke liye ye hāsil-e-kul-kā.enāt hai

is se ziyāda lutf kī ye vārdāt hai

ai dil magar ye kaan meñ kahne kī baat hai

dāḌhī baḌhā rahe haiñ so haiñ vo bhī aadmī

shahr-e-nujūm un kī hī tafrīh-gāh hai

mahtāb kī parī pe bhī un kī nigāh hai

muflis haiñ aur chāñd sitāroñ kī chaah hai

kis darja ḳhasta-hāl haiñ hālat gavāh hai

shā.ir haiñ in se miliye ki haiñ ye bhī aadmī

in ko na lift sher kī devī ne dī kabhī

milne ga.e jo ye to vo parde meñ jā chhupī

allah re in kī dast-darāzī kī barhamī

saaḌī adab kī saat jagah se hai phaaḌ dī

naqqād in ko kahte haiñ ye bhī haiñ aadmī

jis ki lughat mein aaj nahin hai clerk hai

kal aao jis ka maslak-e-din hai clerk hai

har-dam jo yunhi chin-ba-jabin hai clerk hai

routine ka jo mard-e-amin hai clerk hai

par husn-e-ittifaq se ye bhi hai aadmi

chehre pe in ke dubki hui ek raat hai

in ke liye ye hasil-e-kul-kaenat hai

is se ziyaada lutf ki ye wardat hai

ai dil magar ye kan mein kahne ki baat hai

daDhi baDha rahe hain so hain wo bhi aadmi

shahr-e-nujum un ki hi tafrih-gah hai

mahtab ki pari pe bhi un ki nigah hai

muflis hain aur chand sitaron ki chah hai

kis darja KHasta-haal hain haalat gawah hai

shair hain in se miliye ki hain ye bhi aadmi

in ko na lift sher ki dewi ne di kabhi

milne gae jo ye to wo parde mein ja chhupi

allah re in ki dast-daraazi ki barhami

saDi adab ki sat jagah se hai phaD di

naqqad in ko kahte hain ye bhi hain aadmi