aaghaz

ik na.e daur kā āġhāz huā

dar-e-āshufta-sarī baaz huā

nā-shakebā.ī kī chaltī hai havā

be-yaqīnī kī ubhartī hai sadā

aa.e mañDlāte hue abr-e-shu.ūr

liye hamrāh ḳhayālāt-e-jasūr

muntazir shauq hai bechain niDhāl

jaane kab mausam-e-bārāñ aa.e

haa.e tabdili-e-mausam kī umiid

rang laa.e hai ba-tadrīj junūñ

TūTne vaalā hai har ek fusūñ

haañ ḳhudāoñ kī ḳhudā.ī kā fusūñ

kaj-dimāġhoñ kī baḌā.ī kā fusūñ

aa na.e daur tujhe chuum to luuñ

ek nae daur ka aaghaz hua

dar-e-ashufta-sari baz hua

na-shakebai ki chalti hai hawa

be-yaqini ki ubharti hai sada

aae manDlate hue abr-e-shuur

liye hamrah KHayalat-e-jasur

muntazir shauq hai bechain niDhaal

jaane kab mausam-e-baran aae

hae tabdili-e-mausam ki umid

rang lae hai ba-tadrij junun

TuTne wala hai har ek fusun

han KHudaon ki KHudai ka fusun

kaj-dimaghon ki baDai ka fusun

aa nae daur tujhe chum to lun