aaine ka aadmi

sub.h ke zāfrānī laboñ par

jo shafqat kī halkī sī muskān thī

ek ThiThurī huī raat kī dhuñd meñ

kho chukī hai

mire chhoTe bhaa.ī ne

mujh ko likhā hai

ki āñgan meñ jo niim kā peḌ thā

ab ke tūfān meñ gir chukā hai

vahāñ ThanDī chhāñv nahīñ

dhuup kā silsila

magar khoj meñ nān-o-nafqa kī

niklā huuñ

ek kamzor sā aadmī

apne ḳhvāboñ kī baisākhiyoñ par Tañgā

zindagī-bhar

jo sūkhe hue hoñT kī pīḌhiyoñ se

kuñ.eñ tak ke

be-ant rastoñ pe chaltā rahā

aaj bhī vo mire sāmne

aa.ine meñ khaḌā hai

subh ke zafrani labon par

jo shafqat ki halki si muskan thi

ek ThiThuri hui raat ki dhund mein

kho chuki hai

mere chhoTe bhai ne

mujh ko likha hai

ki aangan mein jo nim ka peD tha

ab ke tufan mein gir chuka hai

wahan ThanDi chhanw nahin

dhup ka silsila

magar khoj mein nan-o-nafqa ki

nikla hun

ek kamzor sa aadmi

apne KHwabon ki baisakhiyon par Tanga

zindagi-bhar

jo sukhe hue honT ki piDhiyon se

kunen tak ke

be-ant raston pe chalta raha

aaj bhi wo mere samne

aaine mein khaDa hai