aaine se

aa.ine kuchh to batā un kā to hamrāz hai tū

tū ne vo zulf vo mukhḌā vo dahan dekhā hai

un ke har haal kā be-sāḳhta-pan dekhā hai

vo na ḳhud dekh sakeñ jis ko nazar bhar ke kabhī

tū ne jī bhar ke vo har ḳhatt-e-badan dekhā hai

un kī tanhā.ī kā dildār hai dam-sāz hai tū

aa.ine kuchh to batā un kā to hamrāz hai tū

kyā vo shā.er kī tarah ḳhud ko kabhī dekhte haiñ

TikTikī bāñdh ke kyā apnī chhabī dekhte haiñ

shoḳh ma.asūm javāñ mast sajal be-parvā

kyā vo ḳhud apne ye andāz sabhī dekhte haiñ

itnā gum-sum hai ki ḳhud apnā hī andāz hai tū

aa.ine kuchh to batā un kā to hamrāz hai tū

kabhī ghabrā.e hue bhī to vo aate hoñge

dil kī dhaḌkan ko jo ruḳhsār pe paate hoñge

kāñptā jism sambhāle na sambhaltā hogā

apnī āñkhoñ se bhī ḳhud aañkh churāte hoñge

zabt-e-nā-kām kā ghabrāyā huā naaz hai tū

aa.ine kuchh to batā un kā to hamrāz hai tū

maḳhmalīñ zulf banāne vo jab ā.eñge nā

pahle us chāñd se mukhḌe kī balā.eñ lenā

phir zabāñ tujh ko jo mil jaa.e sargoshī meñ

husn ko aur nikharne kī duā.eñ denā

ḳhalvat-e-husn meñ ik ishq kī āvāz hai tū

aa.ine kuchh to batā un kā to hamrāz hai to

aaine kuchh to bata un ka to hamraaz hai tu

tu ne wo zulf wo mukhDa wo dahan dekha hai

un ke har haal ka be-saKHta-pan dekha hai

wo na KHud dekh saken jis ko nazar bhar ke kabhi

tu ne ji bhar ke wo har KHatt-e-badan dekha hai

un ki tanhai ka dildar hai dam-saz hai tu

aaine kuchh to bata un ka to hamraaz hai tu

kya wo shaer ki tarah KHud ko kabhi dekhte hain

TikTiki bandh ke kya apni chhabi dekhte hain

shoKH masum jawan mast sajal be-parwa

kya wo KHud apne ye andaz sabhi dekhte hain

itna gum-sum hai ki KHud apna hi andaz hai tu

aaine kuchh to bata un ka to hamraaz hai tu

kabhi ghabrae hue bhi to wo aate honge

dil ki dhaDkan ko jo ruKHsar pe pate honge

kanpta jism sambhaale na sambhalta hoga

apni aankhon se bhi KHud aankh churaate honge

zabt-e-na-kaam ka ghabraya hua naz hai tu

aaine kuchh to bata un ka to hamraaz hai tu

maKHmalin zulf banane wo jab aaenge na

pahle us chand se mukhDe ki balaen lena

phir zaban tujh ko jo mil jae sargoshi mein

husn ko aur nikharne ki duaen dena

KHalwat-e-husn mein ek ishq ki aawaz hai tu

aaine kuchh to bata un ka to hamraaz hai to