aaKHiri din nazdik hai
ye sote-jāgte lamhāt
mujhe ab hālat-e-ehsās meñ rahne nahīñ dete
har ik pal
bojh lagtā hai
ye jism apnā
mujh tanhā.iyoñ ke har safar se
ḳhauf aatā hai
mujhe ye chāñdnī bhī ab
bahut achchhī nahīñ lagtī
kisī chehre pe
vo surḳhī shafaq jaisī
nahīñ miltī
mujhe ma.asūm bachchoñ kā humaknā aur
uchhalnā kūdnā
kilkāriyāñ lenā
bhī sab be-kaif lagtā hai
ki
ab ik dūsre ke ġham meñ bhī
aañsū bahānā
bhuul baiThe haiñ
ki ab to sirf
bārūdī dhamākoñ
atomī ḳhatroñ kī bātoñ meñ
bahut sāmān-e-sarshārī hai kyuuñ āḳhir
ye kis manzil kī jānib gāmzan haiñ sab
ye sote-jagte lamhat
mujhe ab haalat-e-ehsas mein rahne nahin dete
har ek pal
bojh lagta hai
ye jism apna
mujh tanhaiyon ke har safar se
KHauf aata hai
mujhe ye chandni bhi ab
bahut achchhi nahin lagti
kisi chehre pe
wo surKHi shafaq jaisi
nahin milti
mujhe masum bachchon ka humakna aur
uchhalna kudna
kilkariyan lena
bhi sab be-kaif lagta hai
ki
ab ek dusre ke gham mein bhi
aansu bahana
bhul baiThe hain
ki ab to sirf
barudi dhamakon
atomi KHatron ki baaton mein
bahut saman-e-sarshaari hai kyun aaKHir
ye kis manzil ki jaanib gamzan hain sab
- Book : Shahre be Chiragh Mein (Pg. 70)
- Author : Saeed Arifi
- Publication : Pahchan Publications (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
