aaKHiri raat
qarīb-e-āḳhir-e-shab hai mire gale lag jaao
vidā-e-shām-e-tarab hai mire gale lag jaao
ab ek umr judā.ī ke fāsle hoñge
bas ek vaqfa-e-shab hai mire gale lag jaao
gila-guzār-e-zamāna huuñ tum ḳhafā kyuuñ ho
gila to husn-e-talab hai mire gale lag jaao
tamām umr jo rah rah ke yaad aa.egī
yahī vo sā.at-e-shab hai mire gale lag jaao
dayār-e-ġhair meñ tum ko kahāñ maiñ DhūñDūñgā
ye ḳhatm-e-ahd-e-tarab hai mire gale lag jaao
qarib-e-aKHir-e-shab hai mere gale lag jao
wida-e-sham-e-tarab hai mere gale lag jao
ab ek umr judai ke fasle honge
bas ek waqfa-e-shab hai mere gale lag jao
gila-guzar-e-zamana hun tum KHafa kyun ho
gila to husn-e-talab hai mere gale lag jao
tamam umr jo rah rah ke yaad aaegi
yahi wo saat-e-shab hai mere gale lag jao
dayar-e-ghair mein tum ko kahan main DhunDunga
ye KHatm-e-ahd-e-tarab hai mere gale lag jao
- Book : naqsh-e-bar aab (Pg. 30)
- Author : mahmood ayaaz
- Publication : Modern Publishing House, Darya Ganj new delhi (2001)
- Edition : 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
