aaKHiri tamashai

uTho ki vaqt ḳhatm ho gayā

tamāsh-bīnoñ meñ tum āḳhirī hī rah ga.e ho

ab chalo

yahāñ se āsmān tak tamām shahr chādareñ lapeT lī ga.iiñ

zamīn sañg-reza saḳht

daañt sī safed malgajī dikhā.ī de rahī hai har taraf

tumheñ jahāñ gumān-e-sabza thā

vo jhalak rahī hai kohna kāġhazoñ kī barf

vo jo chale ga.e unheñ to iḳhtitāmiye ke sab siyāh manzaroñ kā ilm thā

vo pahle aa.e the isī liye vo aqalmand the tumheñ

to sub.h kā pata na shaam kī ḳhabar tumheñ to

itnā bhī pata nahīñ ki khel ḳhatm ho to us ko shaam

kahte haiñ ai nanhe shā.iqān-e-raqs

ab gharoñ ko jaao

uTho ki waqt KHatm ho gaya

tamash-binon mein tum aaKHiri hi rah gae ho

ab chalo

yahan se aasman tak tamam shahr chadaren lapeT li gain

zamin sang-reza saKHt

dant si safed malgaji dikhai de rahi hai har taraf

tumhein jahan guman-e-sabza tha

wo jhalak rahi hai kohna kaghazon ki barf

wo jo chale gae unhen to iKHtitamiye ke sab siyah manzaron ka ilm tha

wo pahle aae the isi liye wo aqalmand the tumhein

to subh ka pata na sham ki KHabar tumhein to

itna bhi pata nahin ki khel KHatm ho to us ko sham

kahte hain ai nanhe shaiqan-e-raqs

ab gharon ko jao