aaKHiri tambih

mujhe mālūm thā tum rasta badloge

tabhī āñkhoñ meñ ḳhvāboñ ko zarā sī bhī jagah na dī

magar ye dil

magar ye dil bahut kambaḳht hai suntā nahīñ merī

so ab jo tum ne apnī raah badlī hai

to ab ma.asūm ban ke rotā-dhotā hai

mujhe kahtā hai phir āġhosh meñ le lo

mujhe siine meñ phir rakh lo

maiñ ab ho baat mānūñgā

magar vo kyā hai naañ us par tumhārā naam kanda hai

tumhārā naam ab vahshat se baḌh kar kuchh nahīñ detā

usī kī chiiz hotī hai ki jis kā naam likkhā ho

tumhārī saarī chīzeñ to tumheñ lauTā chukī huuñ maiñ

suno ye dil bhī le jaao

aur apnī chīzeñ ab sambhāl kar rakhnā

dobāra se tumhāre naam kā kuchh bhī

kabhī bhī aur kahīñ se bhī

kisī tarah bhī mere paas na aa.e

maiñ sayyad huuñ

maiñ jo ik baar de duuñ phir use vāpas nahīñ letī

mujhe malum tha tum rasta badloge

tabhi aankhon mein KHwabon ko zara si bhi jagah na di

magar ye dil

magar ye dil bahut kambaKHt hai sunta nahin meri

so ab jo tum ne apni rah badli hai

to ab masum ban ke rota-dhota hai

mujhe kahta hai phir aaghosh mein le lo

mujhe sine mein phir rakh lo

main ab ho baat manunga

magar wo kya hai nan us par tumhaara nam kanda hai

tumhaara nam ab wahshat se baDh kar kuchh nahin deta

usi ki chiz hoti hai ki jis ka nam likkha ho

tumhaari sari chizen to tumhein lauTa chuki hun main

suno ye dil bhi le jao

aur apni chizen ab sambhaal kar rakhna

dobara se tumhaare nam ka kuchh bhi

kabhi bhi aur kahin se bhi

kisi tarah bhi mere pas na aae

main sayyad hun

main jo ek bar de dun phir use wapas nahin leti