mera jazba-e-shauq kaam aa raha hai

mirā jazba-e-shauq kaam aa rahā hai

ki bāzār meñ dekhūñ aam aa rahā hai

ġharīb-o-amīr us ke shaidā.ī yaksāñ

pasandīda-e-ḳhās-o-ām aa rahā hai

kisī muqtadī ko ḳhrīdūñ maiñ kyūñkar

ki jab ḳhud phaloñ kā imaam aa rahā hai

sab hāthoñ ko phailā.eñ āñkheñ bichhā.eñ

phaloñ meñ vo aalī maqām aa rahā hai

vo chausā sarolī vo sindhḌī vo fazlī

vo aamoñ kā ik azhdahām aa rahā hai

hai lañgDā pa lañgḌāte lañgḌāte dekho

vo mahbūb-e-man ḳhush-ḳhirām aa rahā hai

mujhe hai ḳhushī jo haiñ dīvāne us ke

'asar' un meñ merā bhī naam aa rahā hai

mera jazba-e-shauq kaam aa raha hai

ki bazar mein dekhun aam aa raha hai

gharib-o-amir us ke shaidai yaksan

pasandida-e-KHas-o-am aa raha hai

kisi muqtadi ko KHridun main kyunkar

ki jab KHud phalon ka imam aa raha hai

sab hathon ko phailaen aankhen bichhaen

phalon mein wo aali maqam aa raha hai

wo chausa saroli wo sindhDi wo fazli

wo aamon ka ek azhdaham aa raha hai

hai langDa pa langDate langDate dekho

wo mahbub-e-man KHush-KHiram aa raha hai

mujhe hai KHushi jo hain diwane us ke

'asar' un mein mera bhi nam aa raha hai