aana hai to aa rah mein kuchh pher nahin hai
aanā hai to aa raah meñ kuchh pher nahīñ hai
bhagvān ke ghar der hai andher nahīñ hai
jab tujh se na suljheñ tire uljhe hue dhande
bhagvān ke insāf pe sab chhoḌ de bande
ḳhud hī tirī mushkil ko vo āsān karegā
jo tū nahīñ kar paayā vo bhagvān karegā
kahne kī zarūrat nahīñ aanā hī bahut hai
is dar pe tirā siis jhukānā hī bahut hai
jo kuchh hai tire dil meñ sabhī us ko ḳhabar hai
bande tire har haal pe mālik kī nazar hai
bin māñge hī miltī haiñ yahāñ man kī murādeñ
dil saaf ho jin kā vo yahāñ aa ke sadā deñ
miltā hai jahāñ nayāy vo darbār yahī hai
sansār kī sab se baḌī sarkār yahī hai
aana hai to aa rah mein kuchh pher nahin hai
bhagwan ke ghar der hai andher nahin hai
jab tujh se na suljhen tere uljhe hue dhande
bhagwan ke insaf pe sab chhoD de bande
KHud hi teri mushkil ko wo aasan karega
jo tu nahin kar paya wo bhagwan karega
kahne ki zarurat nahin aana hi bahut hai
is dar pe tera sis jhukana hi bahut hai
jo kuchh hai tere dil mein sabhi us ko KHabar hai
bande tere har haal pe malik ki nazar hai
bin mange hi milti hain yahan man ki muraden
dil saf ho jin ka wo yahan aa ke sada den
milta hai jahan nayay wo darbar yahi hai
sansar ki sab se baDi sarkar yahi hai
- Book : Kulliyat-e-Sahir Ludhianvi (Pg. 486)
- Author : SAHIR LUDHIANVI
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
