aankh-micholi

bandar chuhā aur ḳhargosh

hañste hañste the behosh

paas thī ek gilahrī bhī

thī chūhe se moTī bhī

aur kuttā thā muñh khole

Tāñgoñ meñ thā nekar pahne

sab se baḌī thī lomḌī

thī us kī moTī khopaḌī

ye sab hī pyaar se rahte the

sab nāchte gaate hañste the

ik din vo bole ḳhush ho ke

ham āñkh-mīcholī kheleñge

jo pakḌā jaa.e chor bane

us kī ā.ankhoñ pe paTTī bañdhe

jo bhī pakḌā na jā.egā

āḳhir raaja kahlā.egā

pahle kutte kī baaī thī

us kī sab se hī yaar thī

us ne sochā kis ko pakḌūñ

āḳhir maiñ kis ko chor kahūñ

itne meñ bolā bandar bhī

aa.e haiñ miyāñ-chhachhūñdar bhī

kahte haiñ maiñ bhī khelūñgā

maiñ āḳhir sab ko pakḌūñgā

kutte ne kahā aane do ise

haañ chor zarā banñe do ise

ye sun ke shaiḳhī meñ aa ke

ḳhud aap chhachhūñdar ne baḌh ke

kutte se kahā mujh ko pakḌo

mere muñh pe paTTī bāñdho

maiñ har ek ko pakḌūñgā

āḳhir raaja kahlā.ūñgā

ahmaq the miyāñ chhachhūñdar bhī

paḌhte the antar-mantar bhī

koī bhī haath na aatā thā

koī bhī chor na bantā thā

thak thak ke haal ḳharāb huā

lekin na koī kisī ko haath lagā

achchhā nahīñ shaiḳhī meñ aanā

achchhā nahīñ hotā itrānā

bandar chuha aur KHargosh

hanste hanste the behosh

pas thi ek gilahri bhi

thi chuhe se moTi bhi

aur kutta tha munh khole

Tangon mein tha nekar pahne

sab se baDi thi lomDi

thi us ki moTi khopaDi

ye sab hi pyar se rahte the

sab nachte gate hanste the

ek din wo bole KHush ho ke

hum aankh-micholi khelenge

jo pakDa jae chor bane

us ki aaankhon pe paTTi bandhe

jo bhi pakDa na jaega

aaKHir raja kahlaega

pahle kutte ki bai thi

us ki sab se hi yar thi

us ne socha kis ko pakDun

aaKHir main kis ko chor kahun

itne mein bola bandar bhi

aae hain miyan-chhachhundar bhi

kahte hain main bhi khelunga

main aaKHir sab ko pakDunga

kutte ne kaha aane do ise

han chor zara banne do ise

ye sun ke shaiKHi mein aa ke

KHud aap chhachhundar ne baDh ke

kutte se kaha mujh ko pakDo

mere munh pe paTTi bandho

main har ek ko pakDunga

aaKHir raja kahlaunga

ahmaq the miyan chhachhundar bhi

paDhte the antar-mantar bhi

koi bhi hath na aata tha

koi bhi chor na banta tha

thak thak ke haal KHarab hua

lekin na koi kisi ko hath laga

achchha nahin shaiKHi mein aana

achchha nahin hota itrana