aankhen meri kya DhunDti hain

āñkheñ merī kyā DhūñDhtī haiñ

paanī meñ yā chaTTānoñ meñ

shabnam ke nanhe qatroñ meñ

bārūdī dahakte sho.aloñ meñ

gulzāroñ meñ

yā banjar registānoñ meñ

mahfil meñ tanhā.ī meñ

dūsroñ kī añgnā.ī meñ

nazmoñ ke tīkhā-pan meñ

ġhazloñ kī ra.anā.ī meñ

mai-ḳhvānoñ ke band kivāḌoñ ke pīchhe

mandir meñ chaḌhā.e phūloñ meñ

masjid ke ḳhālī musallā par

marghaT meñ qabristānoñ meñ

bāzāroñ meñ vīrānoñ meñ

dasht se kāñpte hoñToñ par

vahshat se lapakte jazboñ par

bosīda kachchī kholī meñ

ūñche ūñche aivānoñ meñ

munsif ke phisalte qalamoñ par

mulzim kī laraztī sāñsoñ meñ

insāf kī andhī devī meñ

yā jhuul rahe mīzānoñ meñ

bachchoñ kī taḌaptī lāshoñ meñ

maaoñ kī bhī mamtā meñ

āñkheñ merī usī chehre kī mutalāshī haiñ

jis chehre meñ vo rahtī thiiñ

vo chehra jo ab ḳhud ko bhī pahchānñe se qāsir hai 'nazar'

āñkheñ us ko kyā DhūñDeñgī

aankhen meri kya DhunDhti hain

pani mein ya chaTTanon mein

shabnam ke nanhe qatron mein

barudi dahakte shoalon mein

gulzaron mein

ya banjar registanon mein

mahfil mein tanhai mein

dusron ki angnai mein

nazmon ke tikha-pan mein

ghazlon ki ranai mein

mai-KHwanon ke band kiwaDon ke pichhe

mandir mein chaDhae phulon mein

masjid ke KHali musalla par

marghaT mein qabristanon mein

bazaron mein viranon mein

dasht se kanpte honTon par

wahshat se lapakte jazbon par

bosida kachchi kholi mein

unche unche aiwanon mein

munsif ke phisalte qalamon par

mulzim ki larazti sanson mein

insaf ki andhi dewi mein

ya jhul rahe mizanon mein

bachchon ki taDapti lashon mein

maon ki bhi mamta mein

aankhen meri usi chehre ki mutalashi hain

jis chehre mein wo rahti thin

wo chehra jo ab KHud ko bhi pahchanne se qasir hai 'nazar'

aankhen us ko kya DhunDengi