aapko bhulne ki aadat hai

aap ko bhūlne kī aadat hai

ye ravayya baḌā hī musbat hai

vo jo aksar hī bhuul jaatā hai

bhuul jaatā hai ġham se naata hai

bhuul jaane kī ye jo kasrat hai

ye ravayya baḌā hī musbat hai

ek kal thā ki jo guzar bhī gayā

ek kal hai abhī nahīñ aaya

aaj meñ jiine pe jo qudrat hai

ye ravayya baḌā hī musbat hai

jo burā vaqt pīchhe guzrā ho

vo to maazī kā ek hissa hai

jo kahe aaj hī haqīqat hai

ye ravayya baḌā hī musbat hai

ġham to is zindagī kā hissa haiñ

aap kā merā sab kā qissa haiñ

ġham meñ ronā to sab kī fitrat hai

ye ravayya baḌā hī musbat hai

jab akele hoñ ḳhud se baat kareñ

apnī tanhā.ī kā na ranj kareñ

gar ye samjheñ ki ye ġhanīmat hai

ye ravayya baḌā hī musbat hai

vaqt ko vaqt se churā lenā

ḳhud se ḳhud ko kabhī milā lenā

qīmtī bas vahī to saa.at hai

ye ravayya baḌā hī musbat hai

aap ko bhulne ki aadat hai

ye rawayya baDa hi musbat hai

wo jo aksar hi bhul jata hai

bhul jata hai gham se nata hai

bhul jaane ki ye jo kasrat hai

ye rawayya baDa hi musbat hai

ek kal tha ki jo guzar bhi gaya

ek kal hai abhi nahin aaya

aaj mein jine pe jo qudrat hai

ye rawayya baDa hi musbat hai

jo bura waqt pichhe guzra ho

wo to mazi ka ek hissa hai

jo kahe aaj hi haqiqat hai

ye rawayya baDa hi musbat hai

gham to is zindagi ka hissa hain

aap ka mera sab ka qissa hain

gham mein rona to sab ki fitrat hai

ye rawayya baDa hi musbat hai

jab akele hon KHud se baat karen

apni tanhai ka na ranj karen

gar ye samjhen ki ye ghanimat hai

ye rawayya baDa hi musbat hai

waqt ko waqt se chura lena

KHud se KHud ko kabhi mila lena

qimti bas wahi to saat hai

ye rawayya baDa hi musbat hai