aarzu

aaj phir mire dil ko ye aarzū hai

na bichhḌe jo mire rū-ba-rū hai

ye mujh se chāhat ke va.ade jatā rahā hai

merā hai yaqīñ dil-rubā hai

ye dil kashmakash meñ mubtalā hai

ki is kaifiyat se guzar chukā hai

ye chāhat ke da.ave bhī sun chukā hai

aur bikhre jazbe bhī chun chukā hai

is chāhne vaale ke dil meñ maiñ huuñ

maiñ is kā armāñ dil-o-jigar huuñ

mere bhī dil ke

har ek goshe meñ ye basā hai

shahr-e-tamannā pe chhā chukā hai

dil meñ phir bhī yahī gumāñ hai

hai aur koī

koī yahāñ hai

kyūñki

vahī hai mausam

vahī samā hai

aaj phir mere dil ko ye aarzu hai

na bichhDe jo mere ru-ba-ru hai

ye mujh se chahat ke wade jata raha hai

mera hai yaqin dil-ruba hai

ye dil kashmakash mein mubtala hai

ki is kaifiyat se guzar chuka hai

ye chahat ke dawe bhi sun chuka hai

aur bikhre jazbe bhi chun chuka hai

is chahne wale ke dil mein main hun

main is ka arman dil-o-jigar hun

mere bhi dil ke

har ek goshe mein ye basa hai

shahr-e-tamanna pe chha chuka hai

dil mein phir bhi yahi guman hai

hai aur koi

koi yahan hai

kyunki

wahi hai mausam

wahi sama hai