aawaz

tumhārī zabāñ se girā

ek shoḳh lafz

bārish

yuuñ lagā ki mujhe chhū gayā ho jaise

khiḌkī ke bāhar būñdoñ kī TipTipāhaT

kānoñ se hotī huī dhaḌkan tak aa pahūñchī

ek sañgīt ek raag thā

donoñ meñ

pattoñ par paanī kī būñdeñ yuuñ lagī maano

tum ne chamaktī sī kuchh ḳhvāhisheñ rakhī hoñ

giilī giilī yādoñ kī kuchh phūhāreñ

safed jhīne pardoñ se aatī ThanDī havā

duur tak phaile hue devdār ke daraḳht

aur un kī nau-umr Tahniyāñ kī sargoshiyāñ

pairoñ kī uñgliyoñ meñ gudgudī kar ga.ī

suno nā

maiñ kasmasā jaatī huuñ

yuuñ na merā naam liyā karo

tumhaari zaban se gira

ek shoKH lafz

barish

yun laga ki mujhe chhu gaya ho jaise

khiDki ke bahar bundon ki TipTipahaT

kanon se hoti hui dhaDkan tak aa pahunchi

ek sangit ek rag tha

donon mein

patton par pani ki bunden yun lagi mano

tum ne chamakti si kuchh KHwahishen rakhi hon

gili gili yaadon ki kuchh phuhaaren

safed jhine pardon se aati ThanDi hawa

dur tak phaile hue dewdar ke daraKHt

aur un ki nau-umr Tahniyan ki sargoshiyan

pairon ki ungliyon mein gudgudi kar gai

suno na

main kasmasa jati hun

yun na mera nam liya karo