aazadi

vo din thā baḌā hī tārīḳhī jab ham ko milī thī āzādī

is jañg meñ shāmil the kitne 'āzād' 'javāhar' aur gāñdhī

pañdrah ye august jo aa pahuñchā maġhrib se najāt ham ne paa.ī

TūTīñ zanjīr ġhulāmī kī kitnī ye mubārak saa.at thī

is din ko manā.eñ ḳhushiyoñ se aur sah rañge ko lahrā.eñ

un vīroñ ko ham yaad kareñ jin kī mehnat bar aa.ī thī

jannat se hai baḌh kar āzādī har saa.at apnī saa.at hai

kashmīr se kannyā kumārī tak masrūr huī hai har vaadī

us kī ḳhātir jo vaqt paḌe ham apnī jaan luTā deñge

hai faḳhr hameñ āzād haiñ ham 'abrār' hai ne.amat āzādī

wo din tha baDa hi tariKHi jab hum ko mili thi aazadi

is jang mein shamil the kitne 'azad' 'jawahar' aur gandhi

pandrah ye august jo aa pahuncha maghrib se najat hum ne pai

TuTin zanjir ghulami ki kitni ye mubarak saat thi

is din ko manaen KHushiyon se aur sah range ko lahraen

un wiron ko hum yaad karen jin ki mehnat bar aai thi

jannat se hai baDh kar aazadi har saat apni saat hai

kashmir se kannya kumari tak masrur hui hai har wadi

us ki KHatir jo waqt paDe hum apni jaan luTa denge

hai faKHr hamein aazad hain hum 'abrar' hai neamat aazadi