ab jidhar bhi jate hain

pahle aisā hotā thā

bhāñt bhāñt ke bandar

shahr kī fasīloñ par

mahfileñ jamāte the

ghar meñ kuud aate the

haath meñ se bachchoñ ke

roTī noch jaate the

ab to vo madārī bhī

ḳhālī haath aatā hai

bhiik maañg kar ghar ghar

ghar ko lauT jaatā hai

ab gharoñ meñ chiḌiyoñ kā

shor kyuuñ nahīñ hotā

raat ko koī ullū

peḌ par nahīñ rotā

peḌ par nahīñ rotā

laḌte laḌte chiḌiyāñ kyuuñ

farsh par nahīñ girtīñ

billiyāñ chhatoñ par kyuuñ

ghūmtī nahīñ phirtīñ

ab na koī bulbul hai

aur na koī mainā hai

ab na koī tītar hai

aur na koī totā hai

kis se pūchhne jaa.eñ

mor kaisā hotā hai

Toliyāñ kabūtar kī

kho ga.iiñ fazāoñ meñ

titliyoñ ke rañgīñ par

bah ga.e havāoñ meñ

muñh-añdhere ab murġhā

baañg kyuuñ nahīñ detā

ghar meñ koī bakrī kā

naam kyuuñ nahīñ letā

kyā hue daraḳhtoñ par

ghoñsle parindoñ ke

koī bhī nahīñ kahtā

qisse ab darindoñ ke

nanhe nanhe chūzoñ par

chiil kā jhapaTnā ab

dekhne kahāñ jaa.eñ

rāste meñ sāñDoñ kā

pahroñ laḌte rahnā ab

dekhne kahāñ jaa.eñ

chhipkilī kī jiitī dum

ab thiraktī kyā paa.eñ

rañg badalte girgiT ko

mārte kahāñ jaa.eñ

gaa.e bhaiñs kā revaḌ

ab idhar nahīñ aatā

uuñT TeḌhā-meḌhā sā

ab nazar nahīñ aatā

ab na ghoḌe hāthī haiñ

aur na vo barātī haiñ

ab galī meñ kuttoñ kā

bhauñknā nahīñ hotā

raat chhat pe sote haiñ

bhuut dekh kar koī

chauñknā nahīñ hotā

ab jidhar bhī jaate haiñ

aadmī ko paate haiñ

pahle aisa hota tha

bhant bhant ke bandar

shahr ki fasilon par

mahfilen jamate the

ghar mein kud aate the

hath mein se bachchon ke

roTi noch jate the

ab to wo madari bhi

KHali hath aata hai

bhik mang kar ghar ghar

ghar ko lauT jata hai

ab gharon mein chiDiyon ka

shor kyun nahin hota

raat ko koi ullu

peD par nahin rota

peD par nahin rota

laDte laDte chiDiyan kyun

farsh par nahin girtin

billiyan chhaton par kyun

ghumti nahin phirtin

ab na koi bulbul hai

aur na koi maina hai

ab na koi titar hai

aur na koi tota hai

kis se puchhne jaen

mor kaisa hota hai

Toliyan kabutar ki

kho gain fazaon mein

titliyon ke rangin par

bah gae hawaon mein

munh-andhere ab murgha

bang kyun nahin deta

ghar mein koi bakri ka

nam kyun nahin leta

kya hue daraKHton par

ghonsle parindon ke

koi bhi nahin kahta

qisse ab darindon ke

nanhe nanhe chuzon par

chil ka jhapaTna ab

dekhne kahan jaen

raste mein sanDon ka

pahron laDte rahna ab

dekhne kahan jaen

chhipkili ki jiti dum

ab thirakti kya paen

rang badalte girgiT ko

marte kahan jaen

gae bhains ka rewaD

ab idhar nahin aata

unT TeDha-meDha sa

ab nazar nahin aata

ab na ghoDe hathi hain

aur na wo baraati hain

ab gali mein kutton ka

bhaunkna nahin hota

raat chhat pe sote hain

bhut dekh kar koi

chaunkna nahin hota

ab jidhar bhi jate hain

aadmi ko pate hain