ab samajh mein aaya hai

ab samajh meñ aayā hai

'umr rā.egāñ kar ke

ḳhud se pūchhtā huuñ ab

jab vaqt thā samajhne kā

kyoñ samajh nahīñ aayā

rāsta ġhalat thā vo

kaash maiñ rukā hotā

pūchh hī liyā hotā

pūchh hī nahīñ paayā

kārvāñ ġhalat thā vo

koī to batā detā

kārvāñ vo ḳhud gum thā

mujh ko kyā patā detā

kaun aasrā detā

aañkh dekhtī to thī

par sarāb dikhte the

kaan gūñjte to the

kuchh nahīñ vo sunte the

dil ko thā magar mā'lūm

rāsta jo apnā thā

ḳhud-kushī kā rasta thā

ḳhud ko mārne par dil

tul gayā thā aise hī

kaash dil batā detā

kaash maiñ rukā hotā

ab samajh mein aaya hai

'umr raegan kar ke

KHud se puchhta hun ab

jab waqt tha samajhne ka

kyon samajh nahin aaya

rasta ghalat tha wo

kash main ruka hota

puchh hi liya hota

puchh hi nahin paya

karwan ghalat tha wo

koi to bata deta

karwan wo KHud gum tha

mujh ko kya pata deta

kaun aasra deta

aankh dekhti to thi

par sarab dikhte the

kan gunjte to the

kuchh nahin wo sunte the

dil ko tha magar ma'lum

rasta jo apna tha

KHud-kushi ka rasta tha

KHud ko marne par dil

tul gaya tha aise hi

kash dil bata deta

kash main ruka hota