achchhi chiDiya

1

ek thī chiḌiyā

ek thā kavvā

ek thī mainā

ek thā totā

ek thī billī

ek thā kuttā

ek thī murġhī

ek thā bakrā

chiḌiyā kavvā

mainā totā

billī kuttā

murġhī bakrā

ye sab saath rahā karte the

dukh-sukh saath sahā karte the

2

achchhī chiḌiyā bholī bholī

ik din in sab se bolī

aao chal kar kaam kareñ kuchh

kaam kareñ kuchh naam kareñ kuchh

ḳhālī rah kar vaqt na kho.eñ

khet meñ chal kar gehūñ bo.eñ

jab ye sab gehūñ pak jaa.eñ

tab ham sab mil jal kar khā.eñ

3

chiḌiyā kī jab baat sunī ye

kavvā bolā maiñ nahīñ botā

mainā bolī maiñ nahīñ botī

totā bolā maiñ nahīñ botā

billī bolī maiñ nahīñ botī

kuttā bolā maiñ nahīñ botā

murġhī bolī maiñ nahīñ botī

bakrā bolā maiñ nahīñ botā

sab ne kahā jab ham nahīñ bote

chiḌiyā ne vo aap hī boyā

4

thoḌe dinoñ meñ vaqt vo aayā

khet ye gehūñ kā phal laayā

chiḌiyā bolī chal kar kāTeñ

gehūñ se ghar apnā pāTeñ

un sab ne jab kaam sunā ye

kavvā bolā mujh se na hogā

mainā bolī maiñ na karūñgī

totā bolā mujh se na hogā

billī bolī maiñ na karūñgī

kuttā bolā mujh se na hogā

murġhī bolī maiñ na karūñgī

bakrā bolā mujh se na hogā

jab na kisī ne kaam kiyā ye

chiḌiyā ne khet aap hī kaaTā

5

gehūñ ghar meñ kaaT ke Daale

phir sab se yuuñ bolī chiḌiyā

aao ye ham chakkī meñ pīseñ

pis kar ye ho jā.eñge aaTā

chakkī aur aaTe kī sun kar

un meñ se har ik ghabrāyā

sab se pahle kavvā bolā

aaTā ye mujh se na pisegā

mainā bolī totā bolā

aaTā ye mujh se na pisegā

mainā bolī totā bolā

aaTā ye ham se na pisegā

billī bolī kuttā bolā

aaTā ye ham se na pisegā

murġhī bolī bakrā bolā

aaTā ye ham se na pisegā

jab na kisī ne piisā aaTā

chiḌiyā ne vo aap hī piisā

6

saare gehūñ piis chukī vo

phir un se yuuñ bolī chiḌiyā

aao pakā.eñ mil kar roTī

kaam ye ho jaa.e to hai achchhā

baat ye sun kar kavvā bolā

mujh se nahīñ pak saktī ye roTī

mainā bolī totā bolā

ham se nahīñ pak saktī ye roTī

billī bolī kuttā bolā

ham se nahīñ pak saktī ye roTī

murġhī bolī bakrā bolā

ham se nahīñ pak saktī ye roTī

jab na kisī ne kaam kiyā ye

chiḌiyā ne roTī bhī pakā lī

7

roTī jab chiḌiyā ne pakā lī

pūchhā kaun ye khā.egā roTī

kavvā bolā maiñ khā.ūñgā

sab roTī chaT kar jā.ūñgā

mainā bolī maiñ khā.ūñgī

totā bolā maiñ khā.ūñgā

billī bolī maiñ khā.ūñgī

kuttā bolā maiñ khā.ūñgā

murġhī bolī maiñ khā.ūñgī

bakrā bolā maiñ khā.ūñgā

sab ne kahā ham khā.eñge roTī

saarī chaT kar jā.eñge roTī

dil meñ vo na zarā sharmā.e

jhaT-paT roTī khāne aa.e

8

ab to un se chiḌiyā bolī

roTī ye tum ko na milegī

kaam se tum sab ghabrāte ho

phir ye roTī kyoñ khāte ho

phir ye roTī kyoñ khāte ho

baat ye sun kar sab ghabrā.e

sab sharmā.e sab pachhtā.e

chiḌiyā aur sab us ke bachche

mil kar khānā khāne baiThe

sab ne mil kar khānā khāyā

sab ne mil kar gaanā gaayā

kaam kā phal chiḌiyā ne paayā

kaam ne in kā kaam banāyā

chāñd meñ baiThī taarā raanī

ai lo bachcho ḳhatm kahānī

1

ek thi chiDiya

ek tha kawwa

ek thi maina

ek tha tota

ek thi billi

ek tha kutta

ek thi murghi

ek tha bakra

chiDiya kawwa

maina tota

billi kutta

murghi bakra

ye sab sath raha karte the

dukh-sukh sath saha karte the

2

achchhi chiDiya bholi bholi

ek din in sab se boli

aao chal kar kaam karen kuchh

kaam karen kuchh nam karen kuchh

KHali rah kar waqt na khoen

khet mein chal kar gehun boen

jab ye sab gehun pak jaen

tab hum sab mil jal kar khaen

3

chiDiya ki jab baat suni ye

kawwa bola main nahin bota

maina boli main nahin boti

tota bola main nahin bota

billi boli main nahin boti

kutta bola main nahin bota

murghi boli main nahin boti

bakra bola main nahin bota

sab ne kaha jab hum nahin bote

chiDiya ne wo aap hi boya

4

thoDe dinon mein waqt wo aaya

khet ye gehun ka phal laya

chiDiya boli chal kar kaTen

gehun se ghar apna paTen

un sab ne jab kaam suna ye

kawwa bola mujh se na hoga

maina boli main na karungi

tota bola mujh se na hoga

billi boli main na karungi

kutta bola mujh se na hoga

murghi boli main na karungi

bakra bola mujh se na hoga

jab na kisi ne kaam kiya ye

chiDiya ne khet aap hi kaTa

5

gehun ghar mein kaT ke Dale

phir sab se yun boli chiDiya

aao ye hum chakki mein pisen

pis kar ye ho jaenge aaTa

chakki aur aaTe ki sun kar

un mein se har ek ghabraya

sab se pahle kawwa bola

aaTa ye mujh se na pisega

maina boli tota bola

aaTa ye mujh se na pisega

maina boli tota bola

aaTa ye hum se na pisega

billi boli kutta bola

aaTa ye hum se na pisega

murghi boli bakra bola

aaTa ye hum se na pisega

jab na kisi ne pisa aaTa

chiDiya ne wo aap hi pisa

6

sare gehun pis chuki wo

phir un se yun boli chiDiya

aao pakaen mil kar roTi

kaam ye ho jae to hai achchha

baat ye sun kar kawwa bola

mujh se nahin pak sakti ye roTi

maina boli tota bola

hum se nahin pak sakti ye roTi

billi boli kutta bola

hum se nahin pak sakti ye roTi

murghi boli bakra bola

hum se nahin pak sakti ye roTi

jab na kisi ne kaam kiya ye

chiDiya ne roTi bhi paka li

7

roTi jab chiDiya ne paka li

puchha kaun ye khaega roTi

kawwa bola main khaunga

sab roTi chaT kar jaunga

maina boli main khaungi

tota bola main khaunga

billi boli main khaungi

kutta bola main khaunga

murghi boli main khaungi

bakra bola main khaunga

sab ne kaha hum khaenge roTi

sari chaT kar jaenge roTi

dil mein wo na zara sharmae

jhaT-paT roTi khane aae

8

ab to un se chiDiya boli

roTi ye tum ko na milegi

kaam se tum sab ghabraate ho

phir ye roTi kyon khate ho

phir ye roTi kyon khate ho

baat ye sun kar sab ghabrae

sab sharmae sab pachhtae

chiDiya aur sab us ke bachche

mil kar khana khane baiThe

sab ne mil kar khana khaya

sab ne mil kar gana gaya

kaam ka phal chiDiya ne paya

kaam ne in ka kaam banaya

chand mein baiThi tara rani

ai lo bachcho KHatm kahani