adakar

mire rāzdāñ

merī āñkhoñ meñ dekho

batāo mujhe kyā kahīñ ḳhauf hai

kyā kahīñ koī ḳhvāhish

machaltī huī pā-barahna milī

kyā mirī aañkh ke bāñkpan meñ

naqāhat to ubhrī nahīñ

mohabbat kā dhāgā jo uljhā huā hai

kahīñ us kī surḳhī to

āñkhoñ meñ dikhtī nahīñ

mire rāzdāñ

merī bātoñ ko socho batāo mujhe

kyā kahīñ in meñ taqdīr se

koī shikva bhī hai

koī doġhlā-pan

talaffuz kī ''ġhalatī

kahīñ nā-murādī kā be-vazn misra

shaqāvat tanaffur bharā koī jumla

agar aisā hai to batāo mujhe

mire Dna meñ

adākār lamhoñ kā paivand hai

mirā fan musalsal

hidāyāt hī kā to pāband hai

ye ik aan meñ

dukh chhupāne lagegā

malāmat-zada ye riyā-kār chehrā

abhī

daf.atan muskurāne lagegā

mere raazdan

meri aankhon mein dekho

batao mujhe kya kahin KHauf hai

kya kahin koi KHwahish

machalti hui pa-barahna mili

kya meri aankh ke bankpan mein

naqahat to ubhri nahin

mohabbat ka dhaga jo uljha hua hai

kahin us ki surKHi to

aankhon mein dikhti nahin

mere raazdan

meri baaton ko socho batao mujhe

kya kahin in mein taqdir se

koi shikwa bhi hai

koi doghla-pan

talaffuz ki ghalati

kahin na-muradi ka be-wazn misra

shaqawat tanaffur bhara koi jumla

agar aisa hai to batao mujhe

mere Dna mein

adakar lamhon ka paiwand hai

mera fan musalsal

hidayat hi ka to paband hai

ye ek aan mein

dukh chhupane lagega

malamat-zada ye riya-kar chehra

abhi

dafatan muskurane lagega