adam KHwab ke KHwab mein

chhān kar dekh lī reg-e-dasht-e-ziyāñ

DhūñDh paa.e na ham dūsrā āsmāñ

ajnabī mausamoñ kī uḌānoñ meñ TuuTe paroñ kī tarah

ham jiye bhī to kyā

kis ne dekhā hameñ

chashm-e-nam ke kināroñ pe Thahre hue manzaroñ kī tarah

raat kī aañkh se bah ga.e ḳhvāb bhī ham bhī

ma.adūm kī an-sulī niiñd meñ

yaad ke taaq meñ ab tamannā kī lo

kā nishāñ tak nahīñ

vāhima sā hai bas

koī aahaT thī hamrāh yā kuchh na thā

ḳhvāb-e-hastī hameñ ik aziyyat bhare

dām-e-ma.adūmiyat ke sivā kuchh na thā

chhan kar dekh li reg-e-dasht-e-ziyan

DhunDh pae na hum dusra aasman

ajnabi mausamon ki uDanon mein TuTe paron ki tarah

hum jiye bhi to kya

kis ne dekha hamein

chashm-e-nam ke kinaron pe Thahre hue manzaron ki tarah

raat ki aankh se bah gae KHwab bhi hum bhi

madum ki an-suli nind mein

yaad ke taq mein ab tamanna ki lo

ka nishan tak nahin

wahima sa hai bas

koi aahaT thi hamrah ya kuchh na tha

KHwab-e-hasti hamein ek aziyyat bhare

dam-e-madumiyat ke siwa kuchh na tha