adhuri nazm

añdherī shaam ke sāthī

adhūrī nazm se zor-āzmā haiñ

bar-sar-e-kāġhaz bichhaḌne kī

suno... tum se dil-e-mahzūñ kī bāteñ kahne vāloñ kā

yahī anjām hotā hai

kahīñ satr-e-shikasta kī tarah haiñ chaar shāne chit

kahīñ harf-e-tamannā kī tarah dil meñ tarāzū haiñ

suno... in nīl-chashmoñ saḳht-jānoñ be-zabānoñ par

jo guzregī so guzregī

magar maiñ ik adhūrī nazm kī haijān meñ khoyā

tumheñ āvāz detā huuñ

ki tanhā aadmī taḳhlīq se aarī huā kartā hai

jān-e-man!

suno... mere qarīb aao

ki mujh ko aaj kī raat ik adhūrī nazm puurī kar ke sonā hai!

andheri sham ke sathi

adhuri nazm se zor-azma hain

bar-sar-e-kaghaz bichhaDne ki

suno tum se dil-e-mahzun ki baaten kahne walon ka

yahi anjam hota hai

kahin satr-e-shikasta ki tarah hain chaar shane chit

kahin harf-e-tamanna ki tarah dil mein taraazu hain

suno in nil-chashmon saKHt-jaanon be-zabanon par

jo guzregi so guzregi

magar main ek adhuri nazm ki haijaan mein khoya

tumhein aawaz deta hun

ki tanha aadmi taKHliq se aari hua karta hai

jaan-e-man!

suno mere qarib aao

ki mujh ko aaj ki raat ek adhuri nazm puri kar ke sona hai!