adhuri taswir

ai musavvir mirī tasvīr paḌī hai kab se

ab kisī taur zarā is ko mukammal kar de

apnī taḳhlīq meñ vo rañg bhī shāmil kar de

jo tire zauq-e-hunar kī bhī gavāhī Thahreñ

jhiil sī āñkhoñ kī gahrā.ī meñ tū Duub gayā

surḳh Dore jo haiñ hairat ke na dekhe tū ne

lab ke paimāne tirī pyaas bujhāte haiñ magar

tishna paimānoñ ko to jur.at-e-iz.hār bhī de

merī tasvīr dhanak rañg nahīñ ho paa.ī

mere ḳhvāboñ ko tirī aañkh nahīñ dekh sakī

tū hai ḳhattāt mire harf-e-badan ke badle

vo lakīreñ bhī banā fikr ko zāhir jo kareñ

gesū-o-āriz-o-lab hī tirā me.aar rahe

sañg-e-marmar kā badan hī tirā shahkār rahe

maiñ kuchh us se bhī sivā huuñ tujhe mālūm nahīñ

maiñ tirī dost huuñ lekin tirī mahkūm nahīñ

ai musawwir meri taswir paDi hai kab se

ab kisi taur zara is ko mukammal kar de

apni taKHliq mein wo rang bhi shamil kar de

jo tere zauq-e-hunar ki bhi gawahi Thahren

jhil si aankhon ki gahrai mein tu Dub gaya

surKH Dore jo hain hairat ke na dekhe tu ne

lab ke paimane teri pyas bujhate hain magar

tishna paimanon ko to jurat-e-izhaar bhi de

meri taswir dhanak rang nahin ho pai

mere KHwabon ko teri aankh nahin dekh saki

tu hai KHattat mere harf-e-badan ke badle

wo lakiren bhi bana fikr ko zahir jo karen

gesu-o-ariz-o-lab hi tera mear rahe

sang-e-marmar ka badan hi tera shahkar rahe

main kuchh us se bhi siwa hun tujhe malum nahin

main teri dost hun lekin teri mahkum nahin