adl ka fuqdan

qātil-o-maqtūl barābar

zālim-o-mazlūm barābar

qalam bhī bandūq barābar

ma.atūb-o-mahbūb barābar

apnī goyā sāthī kī

har ik ḳhātūn barābar

na.ī dānishvarī jo paḌhī

mūsā-o-qārūn barābar

zulm to sab par sāñjhā thā

banī-isrā.īl-o-fir.aun barābar

maañ chāhe rotī rahe

shahīd bachche aur mal.ūn barābar

baloch jo ghar se ġhā.eb haiñ

sab par magar qānūn barābar

zulm kī andhī fikr meñ

yazīd-o-husain barābar

na.ī na.ī paḌhī sahāfat

mash.al-o-hujūm barābar

añdherā bhī ujāle sā hai

zulmat-o-nūr barābar

basīrat par parda paḌā

sach aur har ik jhuuT barābar

ulTī gañgā bahtī hai

madārī-o-aflātūn barābar

jab tak apnā na bahe

āb-o-ḳhūn barābar

ik un kā bhī maar girāo

phir kahnā mārne vaalā aur marhūm barābar

qatil-o-maqtul barabar

zalim-o-mazlum barabar

qalam bhi banduq barabar

matub-o-mahbub barabar

apni goya sathi ki

har ek KHatun barabar

nai danishwari jo paDhi

musa-o-qarun barabar

zulm to sab par sanjha tha

bani-israil-o-firaun barabar

man chahe roti rahe

shahid bachche aur malun barabar

baloch jo ghar se ghaeb hain

sab par magar qanun barabar

zulm ki andhi fikr mein

yazid-o-husain barabar

nai nai paDhi sahafat

mashal-o-hujum barabar

andhera bhi ujale sa hai

zulmat-o-nur barabar

basirat par parda paDa

sach aur har ek jhuT barabar

ulTi ganga bahti hai

madari-o-aflatun barabar

jab tak apna na bahe

aab-o-KHun barabar

ek un ka bhi mar girao

phir kahna marne wala aur marhum barabar