adna sa basi

kal bhī merī pyaas pe dariyā hañste the

aaj bhī mere dard kā darmāñ koī nahīñ

maiñ is dhartī kā adnā sā baasī huuñ

sach pūchho to mujh sā pareshāñ koī nahīñ

kaise kaise ḳhvāb bune the āñkhoñ ne

aaj bhī un ḳhvāboñ sā arzāñ koī nahīñ

kal bhī mere zaḳhm bhunā.e jaate the

aaj bhī mere haath meñ dāmāñ koī nahīñ

kal merā nīlām kiyā thā ġhairoñ ne

aaj to mere apne beche dete haiñ

sach pūchho to merī ḳhatā bas itnī hai

maiñ is dhartī kā adnā sā baasī huuñ

kal bhi meri pyas pe dariya hanste the

aaj bhi mere dard ka darman koi nahin

main is dharti ka adna sa basi hun

sach puchho to mujh sa pareshan koi nahin

kaise kaise KHwab bune the aankhon ne

aaj bhi un KHwabon sa arzan koi nahin

kal bhi mere zaKHm bhunae jate the

aaj bhi mere hath mein daman koi nahin

kal mera nilam kiya tha ghairon ne

aaj to mere apne beche dete hain

sach puchho to meri KHata bas itni hai

main is dharti ka adna sa basi hun