after shocks

ab ke baras chaumukh meñ

ek aziim firāq kī barf paḌī hai

kohsāroñ ne

kafūrī qabreñ oḌhī haiñ

kisī qadam kā naqsh

koī dhañstā huā paañv

koī phisaltā ḳhanda

koī kilkārī

kuchh bhī nahīñ

kuchh bhī to nahīñ

saare meñ

ik marmar aisī

behis yaḳh kī shok

dahak rahī dhartī ke siine uupar

marham aisī

manfī das kī marī paḌī ḳhāmoshī

ek shahīd chīnār ke pahlū se bāhar ko niklā

ik ḳhush-ḳhaslat

nanhā munnā haat

jo aate jaate

nauhe paḌhte jhoñkoñ meñ

dūr-darāz ke hañste baste shahroñ kī

āñkhoñ kī jānib

jo kabhī us ko dekh nahīñ pā.eñgī

ek vidā-e-dā.im ke andāz meñ larzāñ hai

ab ke baras chaumukh mein

ek azim firaq ki barf paDi hai

kohsaron ne

kafuri qabren oDhi hain

kisi qadam ka naqsh

koi dhansta hua panw

koi phisalta KHanda

koi kilkari

kuchh bhi nahin

kuchh bhi to nahin

sare mein

ek marmar aisi

behis yaKH ki shok

dahak rahi dharti ke sine upar

marham aisi

manfi das ki mari paDi KHamoshi

ek shahid chinar ke pahlu se bahar ko nikla

ek KHush-KHaslat

nanha munna hat

jo aate jate

nauhe paDhte jhonkon mein

dur-daraaz ke hanste baste shahron ki

aankhon ki jaanib

jo kabhi us ko dekh nahin paengi

ek wida-e-daim ke andaz mein larzan hai