ahd-e-tifli

the dayār-e-nau zamīn-o-āsmāñ mere liye

vus.at-e-āġhosh mādar ik jahāñ mere liye

thī har ik jumbish nishān-e-lutf-e-jāñ mere liye

harf-e-be-matlab thī ḳhud merī zabāñ mere liye

dard-e-tiflī meñ agar koī rulātā thā mujhe

shorish-e-zanjīr-e-dar meñ lutf aatā thā mujhe

takte rahnā haa.e vo pahroñ talak sū-e-qamar

vo phaTe bādal meñ be-āvāz-pā us kā safar

pūchhnā rah rah ke us ke koh-o-sahrā kī ḳhabar

aur vo hairat daroġh-e-maslahat-āmez par

aañkh vaqf-e-dīd thī lab mā.il-e-guftār thā

dil na thā merā sarāpā zauq-e-istifsār thā

the dayar-e-nau zamin-o-asman mere liye

wusat-e-aghosh madar ek jahan mere liye

thi har ek jumbish nishan-e-lutf-e-jaan mere liye

harf-e-be-matlab thi KHud meri zaban mere liye

dard-e-tifli mein agar koi rulata tha mujhe

shorish-e-zanjir-e-dar mein lutf aata tha mujhe

takte rahna hae wo pahron talak su-e-qamar

wo phaTe baadal mein be-awaz-pa us ka safar

puchhna rah rah ke us ke koh-o-sahra ki KHabar

aur wo hairat darogh-e-maslahat-amez par

aankh waqf-e-did thi lab mail-e-guftar tha

dil na tha mera sarapa zauq-e-istifsar tha