ai baad-e-saba

ai bād-e-sabā

mahbūb se milne jaanā hai

paiġhām mirā pahuñchānā hai

par hadd-e-adab lāzim rakhnā

vo shoḳh javāñ gar ḳhvāb meñ ho

dhīre se zulfeñ sahlānā

bedār agar vo ho jaa.e

to kahnā salām-e-shauq mirā

phir kahnā ki dīvānī maiñ

palkoñ ko bichhā.e baiThī huuñ

milne ko bahut betāb huuñ maiñ

aur niiñd agar kuchh gahrī ho

palkoñ ko haule se chhūnā

ruḳhsār thapak denā un ke

dīvār-o-dar par likh denā

ai jān-e-ġhazal maiñ zinda huuñ

bas aap kī diid kī ḳhātir ab

ai baad-e-saba

mahbub se milne jaana hai

paigham mera pahunchana hai

par hadd-e-adab lazim rakhna

wo shoKH jawan gar KHwab mein ho

dhire se zulfen sahlana

bedar agar wo ho jae

to kahna salam-e-shauq mera

phir kahna ki diwani main

palkon ko bichhae baiThi hun

milne ko bahut betab hun main

aur nind agar kuchh gahri ho

palkon ko haule se chhuna

ruKHsar thapak dena un ke

diwar-o-dar par likh dena

ai jaan-e-ghazal main zinda hun

bas aap ki did ki KHatir ab