ai dil-e-be-qarar dekh

dāman-e-lāla-zār meñ

ālam-e-pur-bahār dekh

kalla-e-kohsār par

jalva-e-zar-nigār dekh

āb-e-ravāñ kī baat kyā

ḳhaak pe hai nikhār dekh

ai dil-e-be-qarār dekh

dekh nashāt baaġh meñ

jalva-e-sub.h kā samāñ

kaif o nashāt hai zamīñ

nuur o surūr āsmāñ

aah ye manzar-e-jamīl

haa.e ye jāñ-fazā samāñ

auj-e-falak se hai ravāñ

nuur kā ābshār dekh

ai dil-e-be-qarār dekh

dhaar ke kashtiyoñ kā ruup

''dull'' pe ravāñ hai zindagī

chaar taraf fazāoñ meñ

itr-fashāñ hai zindagī

bād-e-dazāñ hai zindagī

shola-ba-jāñ hai zindagī

charḳh-e-taḳhaiyyulāt par

kāhkashāñ hai zindagī

chehra-ba-chehra rū-ba-rū

husn kā ye nikhār dekh

ai dil-e-be-qarār dekh

ḳhvāh ''volar'' kī jhiil hai

ḳhvāh fazā-e-pahl-gām

ek se baḌh ke ek hai

jo bhī nazar meñ hai maqām

dekh ki un fazāoñ meñ

phuul sharāb ke haiñ jaam

ghaas hai farsh-e-maḳhmalīñ

zarre haiñ āsmāñ-maqām

aur nahīñ tujhe nasīb

ek bhī lamhe kā qayām

mauj-e-nashīm-e-sub.h se

raaz ye āshkār dekh

ai dil-e-be-qarār dekh

daman-e-lala-zar mein

aalam-e-pur-bahaar dekh

kalla-e-kohsar par

jalwa-e-zar-nigar dekh

aab-e-rawan ki baat kya

KHak pe hai nikhaar dekh

ai dil-e-be-qarar dekh

dekh nashat bagh mein

jalwa-e-subh ka saman

kaif o nashat hai zamin

nur o surur aasman

aah ye manzar-e-jamil

hae ye jaan-faza saman

auj-e-falak se hai rawan

nur ka aabshaar dekh

ai dil-e-be-qarar dekh

dhaar ke kashtiyon ka rup

dull pe rawan hai zindagi

chaar taraf fazaon mein

itr-fashan hai zindagi

baad-e-dazan hai zindagi

shola-ba-jaan hai zindagi

charKH-e-taKHaiyyulat par

kahkashan hai zindagi

chehra-ba-chehra ru-ba-ru

husn ka ye nikhaar dekh

ai dil-e-be-qarar dekh

KHwah wolar ki jhil hai

KHwah faza-e-pahl-gam

ek se baDh ke ek hai

jo bhi nazar mein hai maqam

dekh ki un fazaon mein

phul sharab ke hain jam

ghas hai farsh-e-maKHmalin

zarre hain aasman-maqam

aur nahin tujhe nasib

ek bhi lamhe ka qayam

mauj-e-nashim-e-subh se

raaz ye aashkar dekh

ai dil-e-be-qarar dekh