ai ham-nafasan

bulldozer qadmoñ se chaltī

colony baktar-band na.ī

behad tausī.a ke sahrā meñ

kyā sūñgh rahī hai suuñD uThā.e

aadam bū

āñkheñ palkeñ jhapkāte rahne par māmūr us kī

be-vaqfa-e-ḳhvāb

signal kī battī jaltī bujhtī sadā

din ho yā raat

sansanī-zada har khaTke par a.asāb

shāhid aa hī gayā

aane vaalā yaum-e-hisāb

harba meñ ḳhud apne

muhārib kā

yuuñ Dhal jaanā

ḳhud ko kho kar ġhalba paanā

ai dīda-e-ibrat-bīñ

ek turfa-tamāshā hai

masnūī mashīnī duniyā meñ

masnūī mashīnī jiit aur haar

jab tak tum tum ho

kuchh nahīñ khoyā ham ne

ai ham-nafsān-e-jafā-dīda

ai ham-nafsān-e-hazīñ

jab tak tum tum ho

ādam-zād yahāñ

har jabr ke madd-e-muqābil hai

sarmast azal āzād

ḳhush-bāsh niDar pākīza nihād

tum ālam-e-ḳhvāb ke baaz ashhab

kibriyat-e-ahmar nāyāb

phir bhī dhārā sā tumhāre dam se

chāhat ke armānoñ kā

bahtā rahtā hai diloñ meñ

tumhāre hote

rezā-rez na ho pā.eñgī yahāñ

husn-o-ḳhūbī kī ye ta.abīrāt

suhānī ujlī ta.amīrāt

bā-raunaq jin se

sharq-o-ġharb ye bazm-e-jihāt

bulldozer qadmon se chalti

colony baktar-band nai

behad tausia ke sahra mein

kya sungh rahi hai sunD uThae

aadam bu

aankhen palken jhapkate rahne par mamur us ki

be-waqfa-e-KHwab

signal ki batti jalti bujhti sada

din ho ya raat

sansani-zada har khaTke par aasab

shahid aa hi gaya

aane wala yaum-e-hisab

harba mein KHud apne

muhaarib ka

yun Dhal jaana

KHud ko kho kar ghalba pana

ai dida-e-ibrat-bin

ek turfa-tamasha hai

masnui mashini duniya mein

masnui mashini jit aur haar

jab tak tum tum ho

kuchh nahin khoya hum ne

ai ham-nafsan-e-jafa-dida

ai ham-nafsan-e-hazin

jab tak tum tum ho

aadam-zad yahan

har jabr ke madd-e-muqabil hai

sarmast azal aazad

KHush-bash niDar pakiza nihad

tum aalam-e-KHwab ke baz ashhab

kibriyat-e-ahmar nayab

phir bhi dhaara sa tumhaare dam se

chahat ke armanon ka

bahta rahta hai dilon mein

tumhaare hote

reza-rez na ho paengi yahan

husn-o-KHubi ki ye tabiraat

suhani ujli tamiraat

ba-raunaq jin se

sharq-o-gharb ye bazm-e-jihat