ai mere arz-e-watan

ai mere paak vatan

dekhe the ka.ī ḳhvāb tumhārī ḳhātir

sīñche the ka.ī gulāb tumhārī ḳhātir

terī miTTī kī ḳhushbū kī qasam khaa.ī thī

tab kahīñ jā ke gul-e-lāla muskurā.ī thī

ai mere arz-e-vatan

ai mere ḳhushbū ke chaman

miTTī ko terī rañgā thā lahūñ se apne

'iqbāl' ne chāhā tujhe fikr se apne

qaum-e-muslim kā bas tū hī ik Thikāna hai

ik ghar ik jannat ik āshiyāna hai

ai mere arz-e-vatan

ai mere āsmān ke gagan

ham ko din-rāt yuuñ sajānā hai tujhe

mānind-e-sahar āñkhoñ meñ basānā hai tujhe

tere khet khaliyān raheñ baaqī

shahroñ kī jagmagāhaT yuuñ chamaktī rahe

ai mere arz-e-vatan

ai mere paak vatan

tere parcham kī aan ko baḌhānā hai hameñ

terī miTTī kā qarz chukānā hai hameñ

terī azmat ko salām kiyā jaa.e har sū

aisā kuchh kar ke ai vatan dikhānā hai hameñ

ai mere pak watan

dekhe the kai KHwab tumhaari KHatir

sinche the kai gulab tumhaari KHatir

teri miTTi ki KHushbu ki qasam khai thi

tab kahin ja ke gul-e-lala muskurai thi

ai mere arz-e-watan

ai mere KHushbu ke chaman

miTTi ko teri ranga tha lahun se apne

'iqbaal' ne chaha tujhe fikr se apne

qaum-e-muslim ka bas tu hi ek Thikana hai

ek ghar ek jannat ek aashiyana hai

ai mere arz-e-watan

ai mere aasman ke gagan

hum ko din-raat yun sajaana hai tujhe

manind-e-sahar aankhon mein basana hai tujhe

tere khet khaliyan rahen baqi

shahron ki jagmagahaT yun chamakti rahe

ai mere arz-e-watan

ai mere pak watan

tere parcham ki aan ko baDhana hai hamein

teri miTTi ka qarz chukana hai hamein

teri azmat ko salam kiya jae har su

aisa kuchh kar ke ai watan dikhana hai hamein