ai mere chaaragaro isa-nafas

ai mire chāragaro īsā-nafas

āsmānoñ se pare anfus-o-āfāq kī sarhad se udhar

merī parvāz mirī rāhguzar jaatī thī

ḳhvāhish-e-duniyā-o-tan-āsānī

noch Dālegī mire par mujhe mā'lūm na thā

ab rag-o-pai meñ lahū hai na koī aag na sozish baaqī

biphrī maujoñ ne sukūñ oḌh liyā hai kab kā

sāhil-e-jāñ pe kisī nam kā nishāñ tak bhī nahīñ

aag kā zikr hī kyā koī dhuāñ tak bhī nahīñ

sarsar-e-vaqt ne andāz badal Daale haiñ

ḳhaak ab ḳhaak kī ḳhurāk huī jaatī hai

ai mere chaaragaro isa-nafas

aasmanon se pare anfus-o-afaq ki sarhad se udhar

meri parwaz meri rahguzar jati thi

KHwahish-e-duniya-o-tan-asani

noch Dalegi mere par mujhe ma'lum na tha

ab rag-o-pai mein lahu hai na koi aag na sozish baqi

biphri maujon ne sukun oDh liya hai kab ka

sahil-e-jaan pe kisi nam ka nishan tak bhi nahin

aag ka zikr hi kya koi dhuan tak bhi nahin

sarsar-e-waqt ne andaz badal Dale hain

KHak ab KHak ki KHurak hui jati hai