ai nazir-e-be-KHabar

ai nāzir-e-be-ḳhabar

ab tum nā hī aao to achchhā hai

ab yahāñ phir shurūa se shurūa kaun kare

lamha lamha shab-e-ġham kā yuuñ adū kaun kare

hoñT sūkhe haiñ inheñ phir se kamāñ kaun kare

diid ko chashma-o-shamshīr zabāñ kaun kare

shaam ko phir se charāġhāñ karūñ himmat hī nahīñ

qisse vo phir se sunā.ūñ tujhe quvvat hī nahīñ

jo dariyā bah gayā vo phir na lauT kar aatā

huuñ adākār adākārī nahīñ kar paatā

tū mujhe ab ke kisī aur moḌ par milnā

nayā ho zaḳhm bahe phir koī ḳhuuñ kā jharnā

ye zindagī hai tamāsha kyā tujhe ilm nahīñ

jo lamha Tal gayā so Tal gayā ye film nahīñ

ai nāzir-e-be-ḳhabar

ab tum nā hī aao to achchhā hai

ai nazir-e-be-KHabar

ab tum na hi aao to achchha hai

ab yahan phir shurua se shurua kaun kare

lamha lamha shab-e-gham ka yun adu kaun kare

honT sukhe hain inhen phir se kaman kaun kare

did ko chashma-o-shamshir zaban kaun kare

sham ko phir se charaghan karun himmat hi nahin

qisse wo phir se sunaun tujhe quwwat hi nahin

jo dariya bah gaya wo phir na lauT kar aata

hun adakar adakari nahin kar pata

tu mujhe ab ke kisi aur moD par milna

naya ho zaKHm bahe phir koi KHun ka jharna

ye zindagi hai tamasha kya tujhe ilm nahin

jo lamha Tal gaya so Tal gaya ye film nahin

ai nazir-e-be-KHabar

ab tum na hi aao to achchha hai