aise nahin hota

bas ik apne tahaffuz ke liye

duniyā ko kitnā be-tahaffuz kar diyā tum ne

ye duniyā vo nahīñ

jo aaj se pahle thī

ye farmān jaarī kar diyā tum ne

magar tum kaun sī duniyā meñ rahte ho

ye duniyā to vahī hai

jis meñ jab chāho

tum apne hukm manvāte ho

tāqat kī zabāñ meñ baat karte ho

tumhāre hukm ko jo mānñe meñ der karte haiñ

tum un ko apnī dahshat se Darāte ho

shikasta haDDiyoñ ko ātishīñ tannūr kā īñdhan banāte ho

jo muflis haiñ unheñ tum aur bhī muflis banāte ho

ye duniyā aaj se pahle bhī

kab mahfūz thī itnī

magar mahfūz the tum apnī dīvāroñ ke andar

aur us dīvār kī ek iiñT

aaj apnī jagah se hil ga.ī hai

sirf ik iiñT

aur qayāmat mach ga.ī hai

zarā sī choT ko

havvā banā rakkhā hai tum ne

āsmāñ sar par uThā rakkhā hai tum ne

hisāb-e-ḳhūñ-bahā ke naam par

duniyā meñ hañgāma machā rakkhā hai tum ne

magar apnā hisāb-e-ḳhūñ-bahā lene se pahle

gino sab hasrateñ jo ḳhuuñ huī haiñ tan ke maqtal meñ

sanam dikhlā.eñge rāh-e-ḳhudā aise nahīñ hotā

jo tum kahte ho sab kuchh ho chukā aise nahīñ hotā

bas ek apne tahaffuz ke liye

duniya ko kitna be-tahaffuz kar diya tum ne

ye duniya wo nahin

jo aaj se pahle thi

ye farman jari kar diya tum ne

magar tum kaun si duniya mein rahte ho

ye duniya to wahi hai

jis mein jab chaho

tum apne hukm manwate ho

taqat ki zaban mein baat karte ho

tumhaare hukm ko jo manne mein der karte hain

tum un ko apni dahshat se Daraate ho

shikasta haDDiyon ko aatishin tannur ka indhan banate ho

jo muflis hain unhen tum aur bhi muflis banate ho

ye duniya aaj se pahle bhi

kab mahfuz thi itni

magar mahfuz the tum apni diwaron ke andar

aur us diwar ki ek inT

aaj apni jagah se hil gai hai

sirf ek inT

aur qayamat mach gai hai

zara si choT ko

hawwa bana rakkha hai tum ne

aasman sar par uTha rakkha hai tum ne

hisab-e-KHun-baha ke nam par

duniya mein hangama macha rakkha hai tum ne

magar apna hisab-e-KHun-baha lene se pahle

gino sab hasraten jo KHun hui hain tan ke maqtal mein

sanam dikhlaenge rah-e-KHuda aise nahin hota

jo tum kahte ho sab kuchh ho chuka aise nahin hota