ajnabi farmaish

ajnabī tujh se ta.alluq kā sila ḳhuub hai ye

terī ḳhvāhish hai ki har roz na.ī nazm likhūñ tere naam

merī koshish bhī ajab hai lekin

rose taaza na.e jazbāt kahāñ se lā.ūñ

kore alfāz kī sauġhāt kahāñ se lā.ūñ

ḳhushk āñkhoñ ke kaToroñ se maiñ barsāt kahāñ se lā.ūñ

ajnabī tū hī batā nusḳha-e-nāyāb koī

ajnabī mujh ko dikhā ḳhitta-e-shādāb koī

barg-e-āvāra kī sūrat huuñ havā kī zad par

maiñ ki raqsā huuñ abhī garm bagūloñ ke saath

ajnabī tū bhī mire raqs-e-falak-rañg meñ shāmil ho jā

shā.irī kyā hai mirī jaan kā hāsil ho jā

tū mirā jism qabā tū mirī ruuh kī pur-nūr ġhizā

shahd se mīThī mare lab kī duā

ajnabī kaun hai tū mere sivā mujh se judā

ajnabi tujh se talluq ka sila KHub hai ye

teri KHwahish hai ki har roz nai nazm likhun tere nam

meri koshish bhi ajab hai lekin

rose taza nae jazbaat kahan se laun

kore alfaz ki saughat kahan se laun

KHushk aankhon ke kaToron se main barsat kahan se laun

ajnabi tu hi bata nusKHa-e-nayab koi

ajnabi mujh ko dikha KHitta-e-shadab koi

barg-e-awara ki surat hun hawa ki zad par

main ki raqsa hun abhi garm bagulon ke sath

ajnabi tu bhi mere raqs-e-falak-rang mein shamil ho ja

shairi kya hai meri jaan ka hasil ho ja

tu mera jism qaba tu meri ruh ki pur-nur ghiza

shahd se miThi mare lab ki dua

ajnabi kaun hai tu mere siwa mujh se juda