alamiya-e-naqd

ye be-rahm choToñ ḳhasāroñ kī duniyā

ye kāġhaz ke jhūTe sahāroñ kī duniyā

ye rūpyoñ ke lālach ke māroñ kī duniyā

ye rūpya agar mil bhī jaa.e to kyā hai

har ik jeb chhalnī har ik aañkh pyāsī

har ik ruḳh pe phailī huī bad-havāsī

ho mansūḳh rupiyoñ kī kaise nikāsī

ye rupaya agar mil bhī jaa.e to kyā hai

hamārā hai phir bhī hamārā nahīñ hai

tasarruf par apnā ijārā nahīñ hai

bulandī par apnā sitārā nahīñ hai

ye rūpya agar mil bhī jaa.e to kyā hai

ye ḳhuuñ aur pasīne kī gāḌhī kamā.ī

samajh meñ yahī baat ab tak na aa.ī

bhalā kab ġharīboñ ke ye kaam aa.ī

ye rūpya agar mil bhī jaa.e to kyā hai

paḌī bāñjh haiñ a-t-m kī mashīneñ

ghisīñ bank kī chaukhaToñ pe jabīneñ

qatāroñ meñ sab chhup ga.ī haiñ zamīneñ

ye rūpya agar mil bhī jaa.e to duniyā

sabhī kaale dhan vaale haiñ ḳhairiyat se

jahāñ haiñ jidhar haiñ vo haiñ āfiyat se

mile na mile un ko achchhī niyyat se

ye rūpya agar mil bhī jaa.e to kyā hai

chamakdār dhan kaale dhan se nikālo

ġharīboñ ko rañj-o-mehan se nikālo

hameñ tum hamāre kafan se nikālo

ye rūpya agar mil bhī jaa.e to kyā hai

ye mazdūr ye aam tājir ye modī

sabhī sāda-lauhoñ kī kashtī Dubo dī

kisī ke bhī pīchhe se suuī chubho dī

ye rūpya agar mil bhī jaa.e to kiyā hai

baḌī shiddateñ aurteñ sah rahī hai

khaḌī apne ashkoñ meñ vo bah rahī hai

raqam le ke hāthoñ meñ ye kah rahī hai

ye rūpya agar mil bhī jaa.e to kyā hai

rūpa.e ghar meñ rakhne kī achchhī sazā hai

na roTī pakī hai na sālan banā hai

ka.ī din se ghar meñ na chūlhā jalā hai

ye rūpya agar mil bhī jaa.e to kyā hai

na.e note kā qadd-o-qāmat to dekho

ye chūran kī parchī kī shāmat to dekho

ye kāġhaz kī patlī hajāmat to dekho

ye rūpya agar mil bhī jaa.e to kyā hai

ye hai biis sau kā magar sau se halkā

hai bārīk itnā ki surma kharal kā

currency kī āñkhoñ kā paanī hai Dhalkā

ye rūpya agar mil bhī jaa.e to kyā hai

hamāre saroñ ko fazā meñ uchhālo

hameñ shauq-e-sabr-āzmā meñ uchhālo

ye be-kār note ab havā meñ uchhālo

ye rūpya agar mil bhī jaa.e to kyā hai

har ik ġham ko ifrāt-e-zar meñ bahā lo

ma.īshat kā aisā janāza nikālo

siyāsat kī bhaTTī meñ sab jhoñk Daalo

ye rūpya agar mil bhī jaa.e to kyā hai

ye be-rahm choTon KHasaron ki duniya

ye kaghaz ke jhuTe sahaaron ki duniya

ye rupyon ke lalach ke maron ki duniya

ye rupya agar mil bhi jae to kya hai

har ek jeb chhalni har ek aankh pyasi

har ek ruKH pe phaili hui bad-hawasi

ho mansuKH rupiyon ki kaise nikasi

ye rupaya agar mil bhi jae to kya hai

hamara hai phir bhi hamara nahin hai

tasarruf par apna ijara nahin hai

bulandi par apna sitara nahin hai

ye rupya agar mil bhi jae to kya hai

ye KHun aur pasine ki gaDhi kamai

samajh mein yahi baat ab tak na aai

bhala kab gharibon ke ye kaam aai

ye rupya agar mil bhi jae to kya hai

paDi banjh hain a-t-m ki mashinen

ghisin bank ki chaukhaTon pe jabinen

qataron mein sab chhup gai hain zaminen

ye rupya agar mil bhi jae to duniya

sabhi kale dhan wale hain KHairiyat se

jahan hain jidhar hain wo hain aafiyat se

mile na mile un ko achchhi niyyat se

ye rupya agar mil bhi jae to kya hai

chamakdar dhan kale dhan se nikalo

gharibon ko ranj-o-mehan se nikalo

hamein tum hamare kafan se nikalo

ye rupya agar mil bhi jae to kya hai

ye mazdur ye aam tajir ye modi

sabhi sada-lauhon ki kashti Dubo di

kisi ke bhi pichhe se sui chubho di

ye rupya agar mil bhi jae to kiya hai

baDi shiddaten aurten sah rahi hai

khaDi apne ashkon mein wo bah rahi hai

raqam le ke hathon mein ye kah rahi hai

ye rupya agar mil bhi jae to kya hai

rupae ghar mein rakhne ki achchhi saza hai

na roTi paki hai na salan bana hai

kai din se ghar mein na chulha jala hai

ye rupya agar mil bhi jae to kya hai

nae note ka qadd-o-qamat to dekho

ye churan ki parchi ki shamat to dekho

ye kaghaz ki patli hajamat to dekho

ye rupya agar mil bhi jae to kya hai

ye hai bis sau ka magar sau se halka

hai barik itna ki surma kharal ka

currency ki aankhon ka pani hai Dhalka

ye rupya agar mil bhi jae to kya hai

hamare saron ko faza mein uchhaalo

hamein shauq-e-sabr-azma mein uchhaalo

ye be-kar note ab hawa mein uchhaalo

ye rupya agar mil bhi jae to kya hai

har ek gham ko ifraat-e-zar mein baha lo

maishat ka aisa janaza nikalo

siyasat ki bhaTTi mein sab jhonk Dalo

ye rupya agar mil bhi jae to kya hai