ali-bin-muttaqi roya

purānī baat hai

lekin ye anhonī sī lagtī hai

alī-bin-muttaqī masjid ke mimbar par khaḌā

kuchh āyatoñ kā vird kartā thā

jum.a kā din thā

masjid kā sehn

allāh ke bandoñ se ḳhālī thā

ye pahlā din thā masjid meñ koī aabid nahīñ aayā

alī-bin-muttaqī royā

muqaddas āyatoñ ko maḳhmalīñ juz-dān meñ rakkhā

imam-e-dil-giraftā

nīche mimbar se utar aayā

ḳhalā meñ duur tak dekhā

fazā meñ har taraf phailī huī thī

dhund kī kaa.ī

huā phir yuuñ

muñDeroñ gumbadoñ par an-ginat par phaḌ phaḌā.e

kāsnī kaale kabūtar

sehn meñ nīche utar aa.e

vazū ke vāste rakkhe hue loToñ par

ik ik kar ke aa baiThe

imam-e-dil-giraftā

phir se mimbar par chaḌhā

juz-dān ko kholā

safoñ par ik nazar Daalī

ye pahlā din thā masjid meñ

vazū kā hauz ḳhālī thā

safeñ ma.amūr thiiñ sārī!

purani baat hai

lekin ye anhoni si lagti hai

ali-bin-muttaqi masjid ke mimbar par khaDa

kuchh aayaton ka wird karta tha

juma ka din tha

masjid ka sehn

allah ke bandon se KHali tha

ye pahla din tha masjid mein koi aabid nahin aaya

ali-bin-muttaqi roya

muqaddas aayaton ko maKHmalin juz-dan mein rakkha

imam-e-dil-girafta

niche mimbar se utar aaya

KHala mein dur tak dekha

faza mein har taraf phaili hui thi

dhund ki kai

hua phir yun

munDeron gumbadon par an-ginat par phaD phaDae

kasni kale kabutar

sehn mein niche utar aae

wazu ke waste rakkhe hue loTon par

ek ek kar ke aa baiThe

imam-e-dil-girafta

phir se mimbar par chaDha

juz-dan ko khola

safon par ek nazar Dali

ye pahla din tha masjid mein

wazu ka hauz KHali tha

safen mamur thin sari!