allama iqbaal

bātoñ meñ thī dalīl havāla suḳhan meñ thā

tū thā to guftugū kā mazā anjuman meñ thā

qur.ān kī fazā meñ palā thā tirā shu.ūr

islām kā mizāj tire bāñkpan meñ thā

dil-dāda-e-ulūm-e-farangī thā dil tirā

lekin ḳhayāl ḳhitta-e-arz-e-vatan meñ thā

jahl-e-ḳhizāñ kā daur guloñ se thā duur duur

jab tak tirā vajūd fazā-e-chaman meñ thā

likhī vo dāstān-e-ġham-e-dajla-o-furāt

chakkhā vo zā.iqa bhī jo gang-o-jaman meñ thā

saarā simaT ke aa gayā tere kalām meñ

jitnā bhī husn lāla-o-sarv-o-saman meñ thā

ab is se baḌh ke bas meñ tire thā bhī kuchh nahīñ

millat ko de diyā vo lahū jo badan meñ thā

rāh-e-amal dikhātā rahā qaum ko magar

tū mutma.in thā dil tirā ranj-o-mehan meñ thā

har dam madīna-o-najaf-o-karbalā kī fikr

terā kahāñ javāb mohabbat ke fan meñ thā

baaton mein thi dalil hawala suKHan mein tha

tu tha to guftugu ka maza anjuman mein tha

quran ki faza mein pala tha tera shuur

islam ka mizaj tere bankpan mein tha

dil-dada-e-ulum-e-farangi tha dil tera

lekin KHayal KHitta-e-arz-e-watan mein tha

jahl-e-KHizan ka daur gulon se tha dur dur

jab tak tera wajud faza-e-chaman mein tha

likhi wo dastan-e-gham-e-dajla-o-furaat

chakkha wo zaiqa bhi jo gang-o-jaman mein tha

sara simaT ke aa gaya tere kalam mein

jitna bhi husn lala-o-sarw-o-saman mein tha

ab is se baDh ke bas mein tere tha bhi kuchh nahin

millat ko de diya wo lahu jo badan mein tha

rah-e-amal dikhata raha qaum ko magar

tu mutmain tha dil tera ranj-o-mehan mein tha

har dam madina-o-najaf-o-karbala ki fikr

tera kahan jawab mohabbat ke fan mein tha