ammi jaan

baḌe hī shauq se mujh ko paḌhātī haiñ likhātī haiñ

baḌe hī pyaar se jo pūchhtā huuñ vo batātī haiñ

na jhunjhlātī haiñ vo mujh par na ġhussa hī dikhātī haiñ

jo mujh ko DāñTtī bhī haiñ to fauran muskurātī haiñ

ḳhudā rakkhe ki mujh par mehrbāñ haiñ kis qadar ammī

burī dekhī jo koī baat mujh meñ pyaar se Tokā

kabhī khelā jo koī khel ganda mujh ko samjhāyā

kabhī chuġhlī kisī kī maiñ ne khaa.ī to burā maanā

durust us ko karāyā lafz agar koī ġhalat bolā

ġharaz kartī haiñ merī tarbiyat āThoñ pahar ammī

sahāba ke buzurgoñ ke mujhe qisse sunātī haiñ

hadīseñ bhī sunātī un kā matlab bhī batātī haiñ

salīqe se safā.ī se mujhe rahnā sikhātī haiñ

mire ārām kī ḳhātir vo taklīfeñ uThātī haiñ

nahīñ koī bhī itnā mehrbāñ haiñ jis qadar ammī

baḌā hai un kā rutba aur ūñchā hai maqām un kā

hamesha dil se kartā huuñ adab aur ehtirām un kā

na maiñ un se jhagaḌtā huuñ na maiñ letā huuñ naam un kā

ḳhushī ke saath kar detā huuñ maiñ har ek kaam un kā

jabhī to mujh ko kahtī haiñ mirā nūr-e-nazar ammī

baDe hi shauq se mujh ko paDhati hain likhati hain

baDe hi pyar se jo puchhta hun wo batati hain

na jhunjhlati hain wo mujh par na ghussa hi dikhati hain

jo mujh ko DanTti bhi hain to fauran muskuraati hain

KHuda rakkhe ki mujh par mehrban hain kis qadar ammi

buri dekhi jo koi baat mujh mein pyar se Toka

kabhi khela jo koi khel ganda mujh ko samjhaya

kabhi chughli kisi ki main ne khai to bura mana

durust us ko karaya lafz agar koi ghalat bola

gharaz karti hain meri tarbiyat aaThon pahar ammi

sahaba ke buzurgon ke mujhe qisse sunati hain

hadisen bhi sunati un ka matlab bhi batati hain

saliqe se safai se mujhe rahna sikhati hain

mere aaram ki KHatir wo taklifen uThati hain

nahin koi bhi itna mehrban hain jis qadar ammi

baDa hai un ka rutba aur uncha hai maqam un ka

hamesha dil se karta hun adab aur ehtiram un ka

na main un se jhagaDta hun na main leta hun nam un ka

KHushi ke sath kar deta hun main har ek kaam un ka

jabhi to mujh ko kahti hain mera nur-e-nazar ammi