andar ka chamkila hira

kitne dinoñ tak

raajā ke darbār meñ ik sādhū aatā thā

jo us ko roz ik phal de jaatā thā

raajā be-his be-parvā sā

is phal ko maḳhzan ke ik kone meñ pheñk diyā kartā thā

ik din jab vo sādhū aayā

raajā ke bandar ne us se vo phal chhīnā

aur jo khāyā to us meñ se

ek chamaktā hiirā niklā

raajā hairāñ sādhū ġhā.eb

raajā phir maḳhzan ke us kone meñ pahuñchā

aur vahāñ dekhā hīroñ kā Dher lagā thā

aur phal ke chhilke bikhre the

kaun thā vo sādhū aur aaj kahāñ ġhā.eb hai

vo phal kyā hai jo har roz mile ham ko lekin ham us kā

antar dekh na paa.eñ us kī qadr na jāneñ

zāhir ke sādhāran ruup meñ andar kā chamkīlā hiirā

jis ne bhī pahchānā apne aap ko jaanā

bāhar se māmūlī lagne vaale phal ko pheñk diyā to

us ke andar kā hiirā ojhal hī rahegā

kitne dinon tak

raja ke darbar mein ek sadhu aata tha

jo us ko roz ek phal de jata tha

raja be-his be-parwa sa

is phal ko maKHzan ke ek kone mein phenk diya karta tha

ek din jab wo sadhu aaya

raja ke bandar ne us se wo phal chhina

aur jo khaya to us mein se

ek chamakta hira nikla

raja hairan sadhu ghaeb

raja phir maKHzan ke us kone mein pahuncha

aur wahan dekha hiron ka Dher laga tha

aur phal ke chhilke bikhre the

kaun tha wo sadhu aur aaj kahan ghaeb hai

wo phal kya hai jo har roz mile hum ko lekin hum us ka

antar dekh na paen us ki qadr na jaanen

zahir ke sadhaaran rup mein andar ka chamkila hira

jis ne bhi pahchana apne aap ko jaana

bahar se mamuli lagne wale phal ko phenk diya to

us ke andar ka hira ojhal hi rahega