andesha-ha-e-dur-daraaz

tirī ḳhvāhish ne kis tashkīk kā malbūs pahnā hai

tirī bābat kisī se pūchhne meñ ḳhauf aatā hai

vo jaane kyā hai

tire baare meñ koī baat bhī kartā huuñ to Dartā huuñ

jaane guftugū kyā rañg pakḌe

tirī bābat kisī se koī raa.e bhī talab karte laraztā huuñ

vo jaane tujh ko kaisā naam de

mire ehsās ko kis shak ne jakḌā hai

yahī kyuuñ sochtā huuñ ab to pahle sā nahīñ hai

ab tire baare meñ logoñ kā vo pahlā sā tasavvur bhī nahīñ hai

teri KHwahish ne kis tashkik ka malbus pahna hai

teri babat kisi se puchhne mein KHauf aata hai

wo jaane kya hai

tere bare mein koi baat bhi karta hun to Darta hun

jaane guftugu kya rang pakDe

teri babat kisi se koi rae bhi talab karte larazta hun

wo jaane tujh ko kaisa nam de

mere ehsas ko kis shak ne jakDa hai

yahi kyun sochta hun ab to pahle sa nahin hai

ab tere bare mein logon ka wo pahla sa tasawwur bhi nahin hai